25 Ar yé! şanyengolmo oronte, tyastien se, ar eques: “*Peantar, mana caruvan náven aryon oira coiviéno?” 26 Quentes senna: “Mana técina i Şanyesse? Manen hental?” 27 Hanquentasse quentes: “Alye mele i Héru Ainolya quanda endalyanen ar quanda fealyanen ar quanda poldorelyanen ar quanda sámalyanen, ar armarolya ve imle.” 28 Yésus quente senna: “Hanquentes mai; cara sie ar samuval coivie.”
29 Mal sé, mérala tana i anes faila, quente Yésunna: “Ar man ná armaronya?” 30 Hanquentasse Yésus quente: “Nér lelyala undu Yerúsalemello Yericonna lantane mici piluli, i namper lanneryar ar se-palpaner, se-hehtala imbe coive ar qualme. 31 Ve martane, *airimo lende undu sana mallesse, mal íre se-cennes, langanes i hyana rímasse i malleo.
