5 Ar quentes téna: “Man mici le ye same meldo lelyuva senna endesse i lómio ar quetuva senna: 'Meldo, áni *yutya massainen nelde, 6 an meldo ninya utúlie ninna lendallo ar samin munta panien epe se'? 7 Ar sé i mityallo quete hanquentasse: 'Ávani *tarasta! I fenna ná pahta, ar hínanyar nar asinye i caimasse; ua ece nin orta antien lyen.' 8 Quetin lenna: Qui uas orta ar anta sen pan náse meldorya, é ortuvas ar antuva sen vorongandeleryanen. 9 Etta quetin lenna: Á arca, ar nauva len antaina; á cesta, ar hiruvalde; á tamba, ar nauva len latyaina. 10 An ilquen arcala came, ar ilquen cestala hire, ar ilquenen tambala nauva latyaina.
