Pan rimbali amápier mir má *partie nyarna pa i nati yar amartier mici me, 2 ve acámielmet illon minyave náner astarmoli ar núroli i quetto, 3 *şéne mára yando nin, apa hilie ilye nati harive i yestallo, tece tai ve lúmequenta elyen, alcarinqua Şeofílo, 4 istielyan i tanca talma i nation pa yar anaiel peantaina.
5 Auressen Herolo, aran Yúreo, enge *airimo estaina Secaría, i *ciltiéno Avio, ar sámes veri Árono yeldion, ar esserya náne Elísavet. 6 Ar anette yúyo faile epe Eru, vantala ilye i axanissen ar şanyessen mi ilvana lé. 7 Mal ua enge hína asette, an Elísavet ua polle nosta, ar yúyo sámet rimbe loali.
