43 Valima ná mól tana, ye herurya íre tulis hiruva cára sie. 44 Nanwave quetin lenna i or ilye armaryar se-panyuvas. 45 Mal qui mól tana quete endaryasse: 'Herunya ua tuluva rato', ar *yestas pete i núror ar i *núri, ar mate ar suce ar quate inse limpenen, 46 mól tano heru tuluva auresse ya uas sana ar lúmesse ya uas ista, ar se-peryuvas ar sen-antuva masserya as i úvorondar. 47 Tá mól tana ye hanyane heruryo şelma, mal ua manwane inse hya carne şelmarya, nauva palpaina rimbe tarambolínen. 48 Mal ye ua hanyane sa, ar sie carne nati valde palpiéno, nauva palpaina mance tarambolínen. An ho ilquen yen olya anaie antaina, olya nauva cánina, ar ho quén yeo ortíriesse apánielte olya, canuvalte amba lá senwa.
