22 Ar i mól quente: “Heru, ya cannel anaie carna, ar en ea nóme.” 23 Ar i heru quente i mólenna: “Á etelelya mir i maller ar i pelerinnar ar áten mauya tule minna, quatien coanya. 24 An quetin lenna: *Úquen imíca i neri i náner tultaine tyavuvar ahtumattinya!'”
25 Sí hoe şangali lelender óse, ar quernes inse ar quente téna: 26 “Qui aiquen tule ninna ar ua teve atarya ar amillerya ar verirya ar hínaryar ar hánoryar ar néşaryar, é véra cuilerya, ua ece sen náve hildonya. 27 Yen ua cóla tarwerya ar túla apa ni, ua ece náve hildonya. 28 An man mici le i mere carasta mindo ua minyave hame undu onotien i nonwe carastiéno, istien qui samis fárea telpe telien sa? 29 Qui laias, cé panyas i mindo talma, mal ua ece sen telya i mindo, ar ilye i tírar cé *yestuvar quete yaiwe pa se, 30 quétala: 'Nér sina *yestane carasta, mal ua ence sen telya.'
