25 Mal ambe yára hánorya náne i restasse, ar íre túles ar lende hare i coanna, hlasses lindale ar quelli liltala. 26 Yalles er i núrion ar maquente pa mana nati sine tenger. 27 Quentes senna: 'Hánolya utúlie, ar atarelya anahtie i maitana nessa mundo, pan *nanacámies se málesse.' 28 Mal anes rúşea ar ua merne mene minna. Tá atarya túle ettenna ar arcane sello. 29 Hanquentasse quentes ataryanna: 'Ter ta rimbe loar omótien tyen, ar canwatya uan oi rance, ananta uatye oi antane nin nessa *naico samienyan alasse as meldonyar. 30 Mal íre utúlie yondotya sina ye ammante laulestatya as *imbacindeli, nahtatye i maitana mundo sen!'
31 Tá quentes senna: 'Hína, illume anaietye asinye, ar ilye ninyar nar *tyenyar, 32 mal mauyane same alasse ar náve valime, an sina hánotya náne qualin ar nanwenne coivienna, ar anes vanwa ar anaie hírina!”
