7 Mal man mici le, arwa mólo ye mole i hyarnen hya ve mavar, quetuva senna íre tulis i restallo: 'Tula sir lintiénen ar á caita undu ara i sarno'? 8 Ma uas ambe rato quetuva senna: 'Ánin manwa nat ahtumattinyan, ar nuta *os oşwelya ar *nura nin tenna amátien ar usúcien, ar epeta elye lerta mate ar suce' – ? 9 Lau sanas i samis rohta i mólen pan é carnes i nati pa yar camnes canwali? 10 Sie yando elde: Apa acárielde ilye i nati pa yar camnelde canwali, queta: 'Nalve úaşie móli. Acárielve ya rohtalva náne.'”
11 Ar lendaryasse Yerúsalemenna langanes ter i ende Samário ar Alileo. 12 Ar íre túles mir masto, helmahlaiwe neri quean veller se, mal pustanelte haire sello. 13 Ar ortanelte ómalta ar quente: “Yésus, *peantar, órava messe!” 14 Ar íre cennes te quentes téna: “Mena ar á tana inde i *airimoin.” Tá, íre anelte i tiesse, anelte poitaine.
