74 lavien ven náve núroli sen apa anelve rehtaine ho ñottolvaron má, 75 airesse ar failiesse epe se ilye aurelvassen. 76 Mal tyé, hína, nauva estaina Erutercáno i Antaro, an menuvatye epe i Heru manwien malleryar, 77 antien istya rehtiéno lieryan apseniénen úcareltaiva, 78 Ainolvo *ofelmenen oraviéno, yanen anaróre et tarmenello tuluva venna, 79 antien alcar in hámar morniesse ar ñuruhuinesse, tulien talulvat i tiesse raineva.”
80 Ar i hína alle ar náne carna taura fairesse, ar anes i erumessen tenna i aure yasse tanumnes inse Israélen.
