9 Tá Yésus quente senna: “Síra rehtie utúlie coa sinanna, an yando sé ná Avraham yondo. 10 An i Atanyondo túle cestien ar rehtien ya náne vanwa.”
11 Íre lastanelte sine natinnar yando quentes téna sestie, pan anes hare Yerúsalemenna, ar sannelte i Eruo aranie tanumne insa tasse ar tá. 12 Etta quentes: “Nér, aryon, lelyumne haira nórenna camien aranie ar epeta nanwenien. 13 Yalles móli quean ar antane tien minar quean ar canne tien: 'Á manca tainen tenna tuluvan.' 14 Mal nóreryo queni téver se ar mentaner ca se quelli i
carpumner tien, quetien: 'Ualme mere nér sina ve aran or me.'
15 Ar túle íre nanwennes, apa camie i aranie, i cannes i yalumnelte senna móli sine in antanes i telpe, istieryan mana ñentelte mancalénen.
