33 Tá quentes senna: “Heru, nanye manwa menien aselye mir mando ar qualme véla!” 34 Mal eques: “Quetin lyenna, Péter: Tocot ua lamyuva síra nó equétiel nel i ual ista ni.”
35 Ar quentes téna: “Íre le-mentanen ú *pocolleo ar matsocolco ar hyapato, lau pennelte erya nat?” Quentelte: “Lánelme.” 36 Tá quentes téna: “Mal sí mauya yen same *pocolle tala sa, mi imya lé yando matsocolca, ar mauya yen pene macil vace collarya ar ñete macil i telpen. 37 An quetin len i mauya i nat sina técina pa ni nauva carna nanwa: 'Ar anes nótina mici şanyelórali.' An ya ape ni nauva telyaina.” 38 Tá quentelte: “Heru, ela, sisse eat macil atta.” Quentes téna: “Tú faryat.”
39Apa etelendes mennes, ve haimerya né, i Orontenna *Milpieron, ar hildoryar se-hilyaner.
