20 Ata Piláto yalle te, pan mernes lehta Yésus. 21 Tá yámelte, quétala: “Áse tarwesta, áse tarwesta!” 22 Mí neldea lú quentes téna: “Tá mana ulco nér sina acárie? Munta valda qualmen hirnen sesse. Apa antie sen paimesta etta lehtuvanyes.” 23 Mal nindeltes hoe rambelínen, cánala tarwestierya, ar rambeltar *orturner. 24 Ar Piláto namne i ñetumnelte ya mernelte. 25 Lehtanes tien i nér hátina mir mando amortiénen ar nahtiénen, ye arcanelte, mal Yésus antanes olla nirmeltan.
26 Ar íre mentaneltes oa, nampelte quén estaina Símon Cirénello ye túle i restallon, ar mauyanelte sen cole tarwerya. 27 Mal hilyane se hoa liyúme i liello, ar nisseli i pentexer nyérenen ar náner yaimie sen.
