41 Ilya loasse nostaruryat lendet Yerúsalemanna, i aşarenna Lahtiéno. 42 Ar íre sámes loar yunque, lendelte ama i aşaro haimenen 42 ar telyaner i auri. Mal íre nanwennette, Yésus i seldo lemyane Yerúsalemesse, ar nostaruryat uat túne sa. 44 Sánala i anes imíca i queni lelyala uo, lendette er aureo tie; tá cestanettes mici i queni nossetto ar i queni i sintette. 45 Mal íre uatte hirne se, entúlette Yerúsalemenna, cestala se. 46 Ar apa auri nelde hirnettes i cordasse, hámala imíca i *peantari, lastala téna ar maquétala téna. 47 Mal illi i lastaner senna náner captaine handeryanen ar hanquentaryainen. 48 Sí íre cennettes anette elmendasse, ar amillerya quente senna: “Hína, mana castatya carien ment sie? Yé, ataretya yo inye nánet ñwalyaine, cestala tye!” 49 Mal quentes túna: “Mana castasta cestien ni? Ma uaste sinte i mauya nin náve i coasse Atarinyava?” 50 Mal uatte hanyane i quetie ya quentes túna.
