17 Tá Isaia i *Erutercáno *toluparma náne antaina sen, ar pantanes i parma ar hirne i nóme yasse náne técina: 18 “I Héruo faire ea nisse, an *líves ni antien máre sinyali penyain; ni-mentanes carien sinwa quenin mandosse i nauvalte leryaine ar *cénelórain i camuvalte *céne, mentien i rácinar oa lehtiénen, 19 carien sinwa i Héruo loa mára nirmeo.” 20 Ar tolunes i parma, sa- *nanantane i núron ar hamne undu; ar hendu illion i enger i *yomencoasse nánet panyaine sesse. 21 Tá *yestanes quete téna: “Síra tehtele sina anaie carna nanwa íre hlasseldes.”
22 Ar illi *vettaner pa se, ar enger elmendasse pa i raine quettar yar túler et antoryallo, ar quentelte: “Ma nér sina ua Yósefo yondo?”
