| RANTA 5
Mi lú yasse i şanga ninde senna, lastala Eruo quettanna, tarnes ara i ailin Ennesaret. 2 Ar cennes lunte atta caitala ara i ailin, mal i *lingwimor náner ménienwe et tullo ar náner sóvala rembeltar. 3 Lelyala mir er i luntion, ya náne Símonwa, arcanes sello lelya şinta tie i norello. Tá hamnes undu, ar i luntello peantanes i şangain.
Íre pustanes quete, quentes Símonna: “Á lelya yanna núra ná, ar alde panya undu rembeldar mapien.” 5 Mal hanquentasse Símon quente: “*Peantar, ter i quanda lóme omótielme ar namper munta, mal canwalyanen panyuvan i rembeltar undu.”
6 Íre carnelte sie, yórelte hoa rimbe lingwilíva, ar rembeltar náner narcaine. 7 Ar hwernelte *rantarwaltain i hyana luntesse tulieltan manien tien, ar túlelte, ar quantelte yúyo lunte, tenna anette nútala.
Dostları ilə paylaş: |
