21 Ar i lie *lartane Secarían, ar anelte elmendasse pan anes ta andave i yánasse. 22 Mal íre ettúles uas polle carpa téna, ar túnelte i cennes maur i yánasse, ar carnes hwermeli tien, en nála úpa. 23 Íre i auri *veuyaleryo náner telyaine, oantes coaryanna.
24 Mal apa auri sine Elísavet nostane, ar lanyanes inse exellon ter astari lempe, quétala: 25 “Sie i Héru acárie nin, mí auri yassen cimnes ni mapien oa nucumnienya mici atani.”
26 I enquea astaresse i vala Avriel náne mentaina Erullo ostonna Alileasse estaina Nasaret, 27 vendenna nauta verien nér estaina Yósef, Laviro nosseo, ar i vendeo esse náne María.
