27 Sé náne pa ye anaie técina: 'Yé! Mentan tercánonya epe cendelelya, manwien mallelya epe lye.' 28 Nyarin len: Imíca i náner nóne lo nissi ea *úquen túra lá Yoháno, mal quén imíca i ambe pityar Eruo araniesse ná túra lá sé.” 29 Ar i quanda lie ar i *tungwemor, íre hlasselte ta, quenter i Eru náne faila, té nála *tumyaine Yoháno *tumyalénen. Mal i Farisar ar i *şanyengolmor querner oa ya Eru merne tien, té i úner *tumyaine lo sé.
31 “As man, tá, sestuvan *nónare sina? 32 Nalte ve hínar hámala mi mancanóme ar yámala quén i exenna: 'Tyallelme i simpa len, mal ualde liltane; anelme yaimie, mal ualde sáme níri.' 33 An Yoháno i *Tumyando utúlie, lá mátala massa hya súcala limpe, mal quetilde: 'Náse haryaina lo rauco!' 34 I Atanyondo utúlie, mátala ar súcala, mal quetilde: 'Ela! Nér *accamátala ar antaina sucien limpe, meldo *tungwemoron ar úcarindoron!' 35 Ananta sailie ná tanaina faila lo ilye hínaryar.”