38 Sí íre oantelte lendes mir masto. Sisse nís estaina Marşa camne se mir coarya. 39 Enge as nís sina néşa yeo esse náne María, ye hamne undu ara i Heruo talu ar lastane quettaryanna. 40 Mal Marşa sáme máryat quante olya moliénen, ar túles ar quente: “Heru, ma ua valda lyen i néşanya ni-ehehtie erinqua molienyasse? Etta queta senna i mauya sen manya ni.” 41 Hanquentasse i Heru quente senna: “Marşa, Marşa, samil quárele ar nalye *tarastaina pa rimbe natali. 42 Mal erya natwa ea maure. María icílie i mára ranta, ar sá ua nauva mapaina sello.”
