19 Qui túrenen Vélsevúlo et-hatin raucor, mannen yondolyar et-hatir te? Sina castanen nauvalte námoldar. 20 Mal qui Eruo lepernen et-hatin i raucor, Eruo aranie é utúlie lenna. 21 Íre polda nér, arwa carmaron, varya véra pacarya, armaryar nar rainesse. 22 Mal íre nér polda lá sé tule ar *orture se, mapas oa i carmar ya i exe sanne antumner sen varnasse, ar etsatis i nati yar píles sello. 23 Ye ua asinye tare ninna, ar ye ua hosta, vinta.
24 Íre úpoica faire tule et nerello, langas ter parce ménar cestala nóme séreva, ar íre uas hire, quetis: 'Nanwenuvan coanyanna yallo léven.' 25 Ar íre tulis, hiris sa carna poica ar netyaina. 26 Tá autas ar tala óse hyane fairi otso, olce lá inse, ar apa tulilte minna marilte tasse, ar tana neren i métima sóma nauva ulca lá i minya.”
