15 an nauvas túra epe i Héru, ar limpe ar polda yulda ávas suce, ar nauvas quátina Aire Feanen aqua et amilleryo mónallo. 16 Ar rimbali yondoron Israélo *nanqueruvas i Héru Ainoltanna, 17 ar sé menuva epe se mi Elío faire ar túre, *nanquerien atarion endar hínannar ar i avari i tercenna failaron, panien epe i Héru manwaina lie.”
18 Ar Secaría quente i valanna: “Manen polin ista nat sina? An nanye yára, ar verinya same rimbe loali.” 19 Hanquentasse i vala quente senna: “Inye Avriel, ye tare epe Eru, ar anen *etementaina carpien aselye ar carien i máre sinyar pa nati sine sinwe lyen. 20 Mal yé! nauval quilda ar ua poluva quete tenna i aure yasse nati sine martuvar, pan ual sáve quettanyassen, yar nauvar cárine nanwe lúmeltasse.”
