3 – Leksiya. So’ndirilmegen ha’k ha’m uglerod qos oksidin aliwdin’ teoriyasi ha’m texnologiуаliq esaрlari

15-Suwret. Hәк печлери газин жуўыў үскенеси:
1, 5 – көбикли тарелкалар,
2, 6, 7, 8 – штуцерлер,
3 – қайтарғыш,
4 – корпус.




Hák tasın-kúydiriw pechlerin qurǵatıw, iske túsiriw hám toqtatıw. Hák pechleri futerovkasınıń uzaq waqıt dawamında jumıs islewi tek texnologiyalıq rejim normalarınıń saqlanıwına emes, al pechti ońlaudan keyin ekspluataciyaǵa engiziwdiń tártibine de baylanıslı. Iske qosıwdan aldın pechtiń futerovkası jaqsılap keptiriliwi tiyis. Qurǵatıw áste-aqırın normal temperaturadan 500 ⁰С qa shekem kótere otırǵanda 10-15 sutkaǵa sozıladı. Bunıń ushın, hák tası salınǵan ulitada ot jaǵıladı. Keptiriw tamamlanǵannan keyin pech suwıtıladı hám futerovkasında payda bolǵa jarıqlar otqa shıdamlı sıbaw menen sıbaladı. Bunnan keyin pechti jaǵıwǵa kirisedi. Hák tasınıń astına salınǵan aǵash hám kokstıń ústine janılǵı menen bayıtılǵan shixta (50 % janılǵı) qoyıladı, hám aǵash jaǵıladı. Dáslep pech tábiyiy tartıw menen isleydi, keyin oǵan áste aqırın úrlep qosıladı, normal jaǵdayǵa shekem kelgennen keyin, ulita iske qosıladı. Júkti túsiriwdi tártiplestiriw ushın ulitanı óshiriw qadaǵan etiledi, bul háreketke keltiriwshi mexanizmniń sınıp ketiwinen saqlaw ushın boladı. Pechti toqtatqanda ol gaz kollektorınan jazdırıladı hám atmosferaǵa tutastırıladı. Keyin pechke júk salıw toqtatıladı hám ulitanı joqarı temperaturadan saqlaw ushın hák tasın tańlap alıw páseytiledi. Shıǵın ketiwshi gazlerdiń temperaturası 300 ⁰С ta nasıp ketpewi tiyis. Temperatura kóterilip ketkende pechke bazı-bir muǵdardaǵı karbonatlı shiyki zat, janılǵısız salınıwı tiyis.

4. Hák tasın-kúydiriw pechleri bólimi jumısınıń texnologiyalıq rejimi
Hák tası pechleriniń maksimal ónimdarlıǵında hám onıń ońlawsız uzaq waqıt islewinde, jaqsı sapalı hákti hám niń koncentraciyası joqarı bolǵan gazdi alıw ushın, texnologiyalıq rejim normaları saqlanıwı tiyis. Bul normalar hák pechleriniń jumıs sharayatlarına – karbonatlı shiyki zattıń hám janılǵınıń sapasına, pechtiń konstrukciyasına hám ólshemlerine baylanıslı. Sonlıqtan hár bir zavod ushın, hátteki hár bir pech ushın normalar hár qıylı bolıwı múmkin. Tómende, porda hám kokste jumıs islewshi, hák pechleri bólimi jumısınıń úlgi kórsetkishlkri berilgen: