3 – Leksiya. So’ndirilmegen ha’k ha’m uglerod qos oksidin aliwdin’ teoriyasi ha’m texnologiуаliq esaрlari

Háktasın kúydiriw pechleri bóliminde miynetti qorǵaw hám qáwipsizlik texnikası
Jumıs bólmelerinde uglerodtıń qos oksidi hám monooksidiniń muǵdarı joqarı bolıwı, hawanıń hák shańları menen pataslanıwı hám onıń joqarı temperaturası nátiyjesinde qolaysız miynet sharayatları paida bolıwı múmkin. Hák terini kúydiredi, kózdiń hám murınnıń silekeyli qabıǵına zıyanlı tásir kórsetedi. Uglerod monooksidi júdá kushli záhárleniwge alıp keledi. nıń hawadıǵı ruxsat etilgen zıyansız muǵdarı barlıǵı bolıp 0,003 mg/l di quraydı. Pechtiń tómengi tárepinde islewshiler hák shańınıń arasında júredi, sonlıqtan olar arnawlı kiyim menen táminleniwi tiyis. Hawada uglerod monooksidi bar bolıwı itimal bolǵan uchastkalarda islewshiler, markasındaǵı (karobkası aq reńde) protivogazlar menen támiynlengen bolıwı tiyis. Pechtiń joqarı hám tómengi jumıs maydanshalarınan waqtı-waqtı hawadan úlgi alınıp onıń quramında uglerod monooksidiniń barlıǵı tekseriliwi kerek.
Hákti túsiriwde shańnıń payda bolıwın kemeytiw ushın túsiriwshi qurılma germetizaciyalanǵan hám ventilyaciyaǵa iye bolıwı tiyis. Hákti túsiriwde respiratorda islew kerek. Xızmet kórsetiwshi personaldıń uglerodtıń qos oksidi hám monooksidi menen záhárleniwiniń aldın-alıw ushın pechtiń joqarısındaǵı júklew zonası ashıq bolıwı tiyis. Júklewshi qurılma qorǵan menen qorshalǵan bolıwı tiyis hám gazdi bólmeden sırtqa sorıp alıp ketiwi ushın qos támbi hám truba menen úskeneleniwi zárúr.
Pechten gazdiń alınıwı kemeygende yamasa tolıq toqtatılǵanda ol atmosferaǵa shıǵarıp jiberiliwi tiyis. Pechtiń ishki bólimin tekserip kóriw, háktiń barlıǵı túsirilip bolǵannan keyin hám pech 30 ⁰C tan joqarı bolmaǵan temperature-ǵa shekem suwıtılǵanan soń ruxsat etiledi.
Hák pechleri gazleriniń kollektorın shańnan tazalaw ushın arnalǵan lyukler, kollektordı sırtta turıp gúrekler menen tazalaw múmkin bolatuǵın etip ornalasqan bolıwı tiyis. Kollektordıń ishinde qandayda bir jumıstı orınlaw ushın cex basshılıǵınıń jazba kórsetpesi talap etiledi. Jumıs baslanbastan burın kollektor hawa menen úrlenedi. Kollektordıń ishinde yamasa jabıq ıdıslardıń hám tereń qudıqlardıń ishinde islewshiler shlangalı protivogazlarǵa iye bolıwı tiyis. Ońlaw waqtında pech gaz ótkermeytuǵın tıǵın menen gaz kollektorınan ajıratıladı.
Pechtiń ishki diywallarına jabısqan “úyindi” ler, joqarsınan turıp urıp maydalaw arqalı saplastırıladı. Ulitanı ońlaw jumısları futerovka tekserilip hám almastırılıwı tiyis gerbishler alıp taslanǵannan keyin ǵana ruxsat etiledi. Futerovkanıń nasazlıǵınan abaysızda gerbish túsip ketip jaraqatlanıwdan saqlawı ushın, furterovkanı tekserip kóriw joqarısınan baslanadı.
Elektrofiltrler ońlawǵa toqtatılǵanda, olar hawa menen jaqsılap úrlenedi hám juwıladı. Elektorfiltrdi iske qosıw, toqtatıw hám xızmet kórsetiw boyınsha barlıq operaciyalar arnawlı kórsetpelerge sáykes alıp barıladı. Elektrofiltrlerdi ońlaw, olardı paydalanıw ushın juwapker shaxslardıń baqlawı astında ótkeriledi. Jumıslar tek elektr toginen ajıratılǵan, jaqsılap jerge tutastırılǵan uchastkalarda ǵana ótkeriwge ruxsat etiledi. Elektrodlardı almastırıw yamasa ońlaw jumısları shlangalı protivogazlarda ótkeriledi. Podstanciya bólmesinde qurǵaq órt óshiriw quralları hám qum salınǵan yashik bolıwı tiyis. Podstanciyada hár bir islewshi protivogazǵa, rezina etik hám qolǵapqa, qorǵawshı kózáynekke hám predoxranitellerdi qoyıw ushın atawızǵa iye bolıwı tiyis.
Ońlaw jumıslarında kernewligi 24 V tan joqarı bolmaǵan kóshpeli elektrolampalardan qollanıwǵa ruxsat etiledi.