Keys savoli Buning sababi nimada?
O’qituvchining yechimi Inson o’ziga tanish til muhiti, ijtimoiy munosabatlar mavjud sharoitdagina o’zini erkin va baxtiyor his qiladi. Amerika, Yevropa yoki SHarqning rivojlangan mamlakatlarida qulay sharoit, to’kinlik, farovonlik mavjud bo’lsa-da, u o’sha yurtlarda insonga bolalikdan tanish til muhiti, ijtimoiy munosabatlarni topa olmaydi. Bu esa noqulaylikni keltirib chiqaradi, atrofdagilar bilan erkin muloqotga kirisha olmaydi, o’z intilishlari, xohish-istaklarini, muammolarini ayta olmaydi. Demak, rivojlangan mamlakatlarida shaxsga bolalikdan tanish bo’lgan til muhiti, ijtimoiy munosabatlarning yetishmasligi sababli garchi ularda qulay sharoit, to’kinlik, farovonlik mavjud bo’lsa-da, u o’zini erkin, baxtli va baxtiyor seza olmaydi.
6-keys bayoni Anvar bayram oldidan oyisiga sovg’a qilish uchun do’kondan qutili qimmat shokolad sotib oldi. SHoshib turganligi sababli chekni olmadi. Kechki ovqat vaqti quti ochib ko’rishganda shokoladning sifati buzilganligi ma’lum bo’ldi. Ertasiga ertalab Anvar boks musobaqasida qatnashish uchun Frantsiyaga jo’nab ketdi. Bir haftadan so’ng musobaqadan qaytgan Anvar shokolad bilan bog’liq hodisani do’kon sotuvchisi va rahbariga ma’lum qilib, mablag’ni qaytarishlarini talab qildi. Ammo do’kon rahbari qat’iyat bilan mablag’ni qaytarmaslikka to’la haqli ekanligini aytdi.
Keys savoli Do’kon rahbari qanday holatlarga ko’ra Anvar tomonidan bildirilgan e’tirozni qondirmaslikka haqli?
O’qituvchining yechimi Do’kon rahbari quyidagi holatlarga ko’ra Anvar tomonidan bilirilgan e’tirozni qondirmaslikka haqli:
1. Do’konga bir haftadan so’ng murojaat qilinganligi (O’zRning “Iste’molchilar huquqini himoya qilish to’g’risida”gi Qonunga ko’ra oziq-ovqat mahsulotining sifati bilan bog’liq murojaatlar 3 kun ichida amalga oshirilishi zarur).
2. Mahsulotning aynan shu do’kondan sotib olinganligini tasdiqlovchi chekning mavjud emasligi (chek mavjud bo’lgan holatda fuqaroning tegishli hududda mavjud bo’lmaganligini tasdiqlovchi bilet asosida Anvarning e’tirozi qondiriladi).
3. Do’kon peshtaxtasida shu turdagi sifatli mahsulotning mavjudligi.
