4-Mavzu. Korxonalarning ishlab chiqarish faoliyatini ifodalovchi ko’rsatkichlarni tahlil qilish usullari

4-Mavzu. Korxonalarning ishlab chiqarish faoliyatini ifodalovchi ko’rsatkichlarni tahlil qilish usullari.
4.1.Mahsulotni (ish, xizmat) ishlab chiqarish va uni sotishni ifodalovchi asosiy ko’rsatkichlarni tahlil qilish usullarining asoslari.
4.2.Mehnat omillaridan samarali foydalanish ko’rsatkichlari. Mehnat unumdorligi haqida tushuncha va uning mohiyati. Korxonalarning mehnat resurslari bilan ta’minlanishi va ulardan samarali foydalanishni tahlil qilish usullari.
4.3.Asosiy ishlab chiqarish fondlaridan samarali foydalanishni ifodalovchi ko’rsatkichlar Asosiy fondlarning tarkibini, holatini va ulardan samarali foydalanishni tahlil qilish usullari.
4.4.Mehnat buyumlari omillaridan samarali foydalanish ko’rsatkichlari (material samarasi, material sig’imi) haqida tushuncha va ularning mohiyati. Sanoat korxonalarining moddiy resurslar bilan ta’minlanishini va ulardan foydalanishni tahlil qilish usullari.
4.5.Mahsulot tannarxi haqida tushuncha va uni pasaytirishni ahamiyati. Mahsulot tannarxini tahlil qilish usullari.
4.6.Ishlab chiqarish samaradorligini oshirish imkoniyatlarini aniqlash kompleks iqtisodiy tahlil tizimini asosiy shartidir. Mahsulot ishlab chiqarish bo’yicha ichki xo’jalik rezervlarini aniqlash usuli.
4.1.Mahsulotni (ish, xizmat) ishlab chiqarish va uni sotishni ifodalovchi asosiy ko‘rsatkichlarni tahlil qilish usullarining asoslari.
Mahsulotni ishlab chiqarish va sotishda tahlilning asosiy vazifalari quyidagilardan iborat:

• mahsulotni ishlab chiqarish va uni sotish bo‘yicha biznes-rejaning asosliligini va to‘g’riligini aniqlash;
• korxonalarning mahsulot ishlab chiqarish bo‘yicha o‘sish sur’ati, tarkibi, xilma-xilligi, sifati va bir tekisda ishlab chiqarishga baho berish;
• o‘tgan yilga nisbatan mahsulot hajmining o‘sishi va uning sabablarini aniqlash;
• tuzilgan shartnoma majburiyati asosida mahsulotni yetkazib berish bo‘yicha sotish rejasini bajarilishiga baho berish;
• mahsulot ishlab chiqarish va uni sotishni tez amalga oshirish bo‘yicha rezervlarni aniqlash kabilar.