4-tema: Daw,onin’ mazmuni ha’m tu’rleri
Reje:
Daw mazmuni, tu’rleri ha’m olardin’ bariwin aniqlaw.
Oqiw iskerligi sharayatindag’i dawlar.
Dawlardin’ rawajlaniw basqishlari ja’ne oni jo’nge saliw a’melleri.
Tayansh tu’sinikler: daw, tartisli jag’day, sheshimin tabiw, strukturaliq bo’lim, uliwma qag’iyda, na’tiyje, qiyinshiliq, gruppalar, kelispewshilik, sezim, texnologiyalar, unamli na’tiyje.
Dawlar insannin’ o’mirinin’ ajiralmaytug’in strukturaliq bo’legi bolar eken, dawlardi moyinlamawdin’, olardi inabatqa almasliqtin’ sira ilaji joq. Tek dawlardi basqariw ha’m olardin’ sheshimin tabiwg’a u’yreniwimiz kerek. Konfliktten pedagogikaliq processde sheber paydalaniw ushin a’lbette teoriyaliq bilimlerge iye boliwi kerek: onin’ dinamikasin ha’m barliq quraytug’inlarin jaqsi biliw kerek. “Konflikt” ha’m “tartisli jag’day” tu’siniklerin ajiratiwdi biliw kerek, olar ortasinda u’lken pariq bar.
Daw- tilekleri, qizig’iwshiliqlari qa’diriyatlari yamasa tu’sinikleri uyqas kelmewi sebepli ju’zege keletug’in eki yamasa odan artiq subiektler ortasindag’I social o’z ara baylanislar formasi (subiektler individ/gruppa/o’z o’zi menen ishki dawlar) jag’daylarinda boladi.
Tartisli jag’day- social subiektler ortasinda haqiyqiy qarama-qarsiliqti ju’zege keltiretug’in insanlar ma’plerinin’ uyqas kelmewi. Tiykarg’i belgisi-daw prdemeti ju’zege keliwi, lekin ha’zirshe aktiv gu’rsetin’ joq ekenliginde bolip tabiladi.
Yag’niy du’gilisiw rawajlaniwi processinde konfliktten aldin mudami tartisli jag’day ju’zege keledi, onin’ hasasi esaplanadi.
Birinshiden, dawlar ha’zirgi zamannin’ en’ actual social mashqalalarinan biri bolip tabiladi.
Dawlar kelip shig’iwina ko’re bir neshe tu’rlerge bo’linedi:
a)xaliq araliq;
b)ja’ma’a’tlik;
v)shan’araqqa tiyisli;
s)aymaqliq.
Daw qatnasiwshilarina ko’re:
a)milletler ara;
b)shaxslar ara;
v)ishki shaxsiy;
g)ma’mleketler ara;
d)belgili gruppalar,sistemalar ortasindag’i konfliktlerge bo’linedi.
|
