JK - triggerning uch xil ish uslubi mavjud. Birinchi uslubda J va K ma'lumot kirishlariga "1" ga teng keladigan signal yuboriladi, S kirishga sinxronlashtiruvchi impuls beriladi. Bunday paytda JK trigger ikkita bo’luvchi rejimda, ya'ni hisoblash rejimida (T-trigger singari) ishlaydi. Ikkinchi uslubda J va K ma'lumot kirishlarga parafazali mantiqiy signal yuboriladi. Bunday paytda trigger J va K kirishlari bilan ma'lumotning sinxron yozuvi rejimida ishlaydi. Taktli impuls berilganidan so’ng ma'lumot Q va chiqishlarida paydo bo’ladi, ya'ni navbatdagi yacheykaga (triggerga) suriladi. Uchinchi ishlash uslubi rejim o’rnatishdan iborat. Unda ma'lumot "0" daraja tarzida R yoki S kirishlariga yuboriladi. Bunday sharoitda triggerni "0" yoki "1" holatga (J, K, C kirishlarining holati erkin) majburan o’tkazilishi sodir bo’ladi. JK ning muhim afzalligi shundan iboratki, birinchidan, u RS -trigger kabi taqiqlangan signallar kombinatsiyasidan mustasno, ikkinchidan, u universal trigger qurilmasi hisoblanadi, chunki uning asosida kirish-chiqishlarning tashqi ulanishi yordamida har qanday bo’lak trigger yig’ish mumkindir (8-rasm). 8-rasmda quyidagilar aks ettirilgan: (a) - T turdagi trigger (V=1 bo’lganda); (b) -D turdagi trigger; (v) -RS turdagi trigger.