| Oktyabr çevrilişi "kommunizmin dünyanın bütün qitələrində dolaşmasına zəmin vermişdi; Bu çevriliş, dünya birliyini iki cəbhəyə - kapitalizm və sosializm cəbhəsinə parçalayır. Sosializm — bütün istehsalatın və gəlirlərin bölüşdürülməsinin dövlətin nəzarəti altında olduğu iqtisadi, ictimai-siyasi formasiyadır.
üçüncüsü, Oktyabr çevrilişi vahid, bölünməz kapitalizm dünyasını parçalayaraq hələ XIX əsrin ortalarında meydana çıxan ideya (burjua və sosialist) qarşıdurmasını ictimai sistemləri müxtəlif olan dövlətlərin yetmiş ildən çox müddət ərzində əməli qarşıdurmasına gətirib çıxarmışdı.
Oktyabr inqilabının səbəbləri əvvəlki dərsdə də dediyimiz kimi bir deyildi.
Belə ki, böhran vəziyyəti, xalqın və ordunun müharibə şəraitindən yorulması, müvəqqəti hökumətin çarizmin daxili və xarici siyasətini təkmilləşdirmədən davam etdirməsi çevrilişi labüd edirdi.Bolşeviklərin hərbi diktatura təhlükəsinə qarşı proletariat diktaturası ideyasını irəli sürməsi əhalinin rəğbətini qazanır.
Oktyabr çevrilişi bölünməz, toxunulmaz və tənqid olunmaz vahid ideyalı, vahid siyasi partiyalı totalitar sosializm yaradılmasının başlanğıcını qoymuşdu. Habelə o, "xalqlar həbsxanası" adlandırılan keçmiş çar Rusiyası imperiyasının beynəlmiləlçilik şüarı altında mexaniki olaraq Sovet imperiyasına çevrilməsinə təminat vermişdi.
Dostları ilə paylaş: |
