5-Tema: Konflikt signallari Reje

TA’REPLER ARASINDAG’I TA’N’LIK. Ta’repler arasindag’i kishkene konflikttin’ kelip shig’iwi da, biz menen emotsional du’gisken adamlar haqqindag’i bizin’ pikirimizge unamsiz ta’sir ko’rsete baslaydi. Eger biz o’zimiz toqtatpasaq, bul jamanlar saat sayin ko’beyip baraberedi. Onin’ barliq so’zleri, ha’reketleri ha’m a’mellerin biz analiz ete baslaymiz, ko’p zatlardi <> boyawda ko’riwge urinamiz. Ko’birek tu’p jag’daydi emes, ba’lki mine sol sanamizda payda bolg’an ha’m de o’zimiz quriwg’a sayi-ha’reket etken adamdi analiz etiwge o’temiz. Usinin’ sebebinen bul adamg’a salistirg’anda bizin’ ma’milemiz unamsiz ta’repke o’zgeredi. Arada emotsional krizis payda boladi. Misali, ko’binese shan’araqta, hayal o’z ku’yewin qizg’anshaqliq etken, oni baqlawdi baslag’an, hayaldin’ miyinde tu’rli jalallar ha’wij alg’an, onin’ o’zi o’z kewilinde ku’yewinin’<< shetke>> ju’riwine shin isengen payitlarda payda boliwi gu’zetiledi. Hayal o’z ku’yewinin’ min’ ma’rte << Men onday adam emespen>> degen ga’pin de inabatqa almay qaladi.Ol tek o’zine ha’m o’zemotsiyasina isenedi. Bul jag’dayda o’z emotsiyalarin belgili bir ta’rtipke keltiriw, sebep bolg’an waqiyani analiz qiliw, misali, ku’yewi kesh kelgen bolsa ol << Men o’zim anamnikinde bolg’anman>> dese, jolin tawip, jiljitiwtirmasdan, ba’lki informaciya aliw maqsetinde, jag’dayin u’yreniw o’z ku’yewinin’ haq ekenligin ko’rsetiwi mu’mkin.
Insan ha’r qanday jag’dayda da o’z emotsiyalarin ta’rtipte ustawi, olarg’a erk bermesligi, tariyxiy jag’dayin aqilg’a saliwshiliq menen analiz ete aliwi krizis jag’daylardin’konfliktke aylanbaslig’i esaplanadi.
TU’SINBEWSHILIK. Geyde adamlar arasinda qandayda bir ha’diyse yamasa jag’day tuwrisindag’i naduris informaciya sebepli tu’sinbewshilik jag’dayi payda boladi. Misali, jas shan’araq. Kelin institut doktoranturasinda oqiydi. Ol institut alindag’i ba’ndirgide avtobus ku’tip turg’aninda ilimiy basshisi kelip qaladi. Olar azg’antay so’ylesip qaladi. Nag’iz o’zi waqitta, jas kelinnin’ basqa bir jigit penen turg’anin qa’ynenesinin’ sin’lisi ko’rip qaladi. Ol axboratti apasina, apasi bolsa, balasina bo’rttirip jetkizedi. Ku’yew jag’dayin soramastan kelinge zorliqshiliq penen ma’mile etedi. <>. Hesh na’rseni tu’sinbegen kelin o’zin aqlawg’a o’tedi. Jigit hayalina qol ko’teredi. Tu’sinbewshiliktin’ aqibetinde jas shan’araqta u’lken konflikt ju’zege keledi.