MUARRIX-tarixchi, tarixnavis.
MULKDOR-katta mulk egasi.
Navro‘z – (forscha – yayangi kun) – shamsiya quyosh yil hisobida yilning birinchi kuni, O‘rta Osiyo va SHarq mamlakatlarida yashovchi xalqlarning qadimiy an’anaviy bayrami. Bahorgi tengkunlikka (21 yoki 22 mart), ya’ni Quyoshning Hamal burjiga kirishiga to‘g‘ri keladi. Navro‘z dehqonchilik ishlarini boshlash bayrami ham hisoblanadi. Navro‘z bayramida ommaviy xalq sayillari uyushtirilgan, yangi ungan ko‘katlardan tansiq taomlar pishirilgan, ba’zi ekinlarni ekish boshlangan. Tarixiy manbalarga ko‘ra, Navro‘zni bayram qilish ahamoniylar davridan boshlangan va O‘rta Osiyo, Eron, Afg‘oniston xalqlarida eng katta bayramlardan biri hisoblangan.
NAMOZ- Islom diniga e’tiqod qiluvchilar bajarishi farz deb hisoblangan ibodat shakli.Uni maxsus joynomoz ustida olingandan keyin o‘qish qat’iy qoidaga aylantirilgan.
OSIYO- aslida, yunoncha Asia so‘zidan olingan. Ayrim manbalarda qayd etilishicha, osuriycha «asu» - sharq degan so‘zdan olingan degan fikr ham mavjud. Osiyo Er sharidagi eng kata qit’a bo‘lib, Evroosiyo materigining bir qismi hisoblanadi.
OQSUYAK-Mulkdor toifaga mansub kishi; aristokrat.
PALEOGRAFIYA- qadimgi qo‘lyozmalar yozuvini va ularning tashqi ko‘rinishini o‘rganadigan fan.
Pul krediti siyosati- davlat tomonidan iqtisodiy o‘sishni ta’minlash maqsadid pul muomalasini tashkil etish barqarorligini uchun amalga oshiriladigan barcha chorag‘tadbirlar majmui.
REGISTON- O‘rta SHarq shaharlaridagi maydon. Samarqand va Buxorodagi registonlar shahar arxitekturasida tutgan o‘rni va tarixiy ahamiyati bilan ajralib turadi. Ayniqsa, Samarqanddagi Registon ansambli yirik me’morchilik inshooti sifatida hozirgi kungacha butun dunyoga mashhur.
SALTANAT- sulton, yakka xon, amir yoki podsho hukmronligi hamda ularning mavqei; shunday hukmron qo‘l ostidagi davlat, mamlakat.
SO‘M- O‘zbekistodagi pul birligi nomi
Tadbirkorlik- bu muayyan ijtimoiy-iqtisodiy natijaga erishish maqsadida tovarlar va xizmatlarni ishlab chiqarish va ayirboshlashni tashkil etish bo‘yicha mulkdorlarning yoki ular vakillarining ongli va maqsadli iqtisodiy faoliyatidir.
