8-tema. Mádeniyatlı sóylewde kórkemlew qurallarınıń xızmeti 7-shınıǵıw

8-tema.Mádeniyatlı sóylewde kórkemlew qurallarınıń xızmeti
7-shınıǵıw
«MN»ke baylanıslı usınday jaǵdaylar júz berip atırǵan bir waqıtta «kuwdalawdaǵı oligarxqa», yaǵnıy Boris Berezovskiyge tiyisli bolǵan «Nezavisimaya gazeta»nıń juldızı da ońınan janıp turǵan joq. («Jipek jolı» gaz.) Kópshilik ushın olar, hátte, tázim etiwge de arzıytuǵın insanlar, - deydi tanımalı oyınshı Chezare Mal`dinidiń jubayı Mariza. («Jipek jolı» gaz.) Dúńyadaǵı eń semiz pıshıqtı Ximmi dep shaqırar edi. Ol Avstraliyanıń Kvinslend shtatında jasawshı Tomas Vayzuǵa tiyisli bolǵan. Ximmi 1986-jılı 12-martta bul dúńyadan kóz jumǵanında onıń awırlıǵı 21,3 kilogrammǵa jetken. («Jipek jolı» gaz.) Atı atalǵan temir jolshılar emlewxanası jámááti haqqında tilge tiyek eter ekenbiz,usı shıpabaǵısh oraydı shólkemlestiriwge belsene úles qosqan, hátteki, kóp jıllar dawamında bas shıpaker bolıp xızmet atqarǵan bir ádiwli insannıń atın atap ótpewge bolmaydı. («Jipek jolı» gaz.)
8-shınıǵıw
Móldirep turǵan tınıq, ashıq aspannnıń tórinde qanatı menen tolqınlardı sızǵan shaǵalalardıń shańqıldısına, dárya boyında ayrıqsha húkim súrgen jımjırtlıqqa kóz-qulaǵı úyreniskendey tańırqanıp qaraydı. (Ó.Ó.) Óńirine tamǵan kóz jasların dáryaǵa tókken sayın ishtegi háwiri sál basılıp boyları sál jeńil tartadı. (Ó.Á.)