A avloniy nomidagi xalq ta’limi muammolarini o‘rganish va istiqbollarini belgilash ilmiy- tadqiqot instituti
Yüklə 254,46 Kb. Pdf görüntüsü
|
| Maktab sport to`garaklari. Umumiy ta’lim maktablari va davlat ta’limining
boshqa o‘rta va mahsus ta’limi tizimida sportning u yoki bu turi bilan sport mahoratini oshirish maqsadida shug‘ullanishni xohlovchilar uchun sport seksiyalari tashkillanadi. Sport seksiyalari maktab o‘quvchilaridan maktabdan tashqari sport muassasalarida shug‘ullanishni imkoniyati bo‘lmagan, sportning u yoki bu turida shug‘ullanishga nisbatan qobiliyatli o‘quvchilar uchun tashkillanadi. Seksiyani tuzishda shu seksiya uchun maktabdagi sharoit, uni tashkillash va olib borish uchun mutaxassis-o‘qituvchining mavjudligi hisobga olinadi. Umumiy rahbarlik albatta maktab jismoniy tarbiya o‘qituvchilari zimmasiga yuklatiladi. Zarur bo‘lsa, imkoniyat yo‘l qo‘ysa, jamoatchilik asosida o‘quvchilar bilan shug‘ullanishga qodir jamoatchi trenerlar, ota-onalar maktabning sport seksiyalari mashg‘ulotlarini o‘tkazish uchun jalb qilinishi hozirgi kun jismoniy tarbiya jarayoni amaliyotida ma’lum. Yuqoridagilardan tashqari hozirgi kunda katta sportni tark etgan mahorati yuqori sportchilar, BO‘SMlarining sport murabbiylari va ularda tarbiyalanuvchilar ham maktab sport seksiyasi faoliyatida ishtirok etishlari uchun zaruriy imkoniyatlar yaratilgan. Maktab jismoniy tarbiya o‘qituvchilari o‘zlarining sport tayyorgarligi imkoniyatlaridan kelib chiqib, trenirovka mashg‘ulotlarini o‘tkazadilar. Ayrim holatlarda maktabda pulli sport seksiyalarini tashkillashga ruhsat etiladi. Maktabdagi sport seksiyalarining umumiy soni MJTJsi kengashi, maktab pedagogika jamoasi kengashi va uning raisi maktab direktori tomonidan hal qilinadi. Maktab sport seksiyasining tuzilishi. Har qanday sport seksiyasi o‘z faoliyatini shu seksiyaning byurosi faoliyatini yo‘lga qo‘yish orqali yo‘lga qo‘yadi. Mutaxassislikka oid umumiy va mahsus adabiyotlarda sport seksiyasining tuzilishi va uning faoliyati mazmuniga oid yetarli darajadagi o‘quv materiali berilgan. Har bir sport seksiyasida qayd qilingan tayyorlov, kichik, o‘rta, katta maktab yoshidagilar guruhlari bir nechtadan bo‘lishi mumkin. O‘quvchilar uchun hayotiy zaruriy harakat malakalari va ko‘nikmalarining zahirasini oshirish turistik sayohat hamda poxodlarda sodir bo‘ladi. Sinfdan tashqari ishlarning bunday shaklini yo‘lga qo‘yish uchun turizm ishida yordam beradigan yo‘riqchilarni tayyorlashning ahamiyati katta. Ularni tayyorlash turistlar klublari yoki turizm o‘tkazish uchun maxsus tayyorgarlikdan o‘tganligi haqidagi guvohnomasi bo‘lgan maktabning jismoniy tarbiya o‘qituvchisiga yuklatiladi. Yordamchi sifatida esa yuqori sinf o‘quvchilarini jalb qilib ulardan foydalanish mumkin. Yüklə 254,46 Kb. Dostları ilə paylaş:
|