A zərbaycan respublikasi təHSİl naziRLİYİ azərbaycan döVLƏT İQTİsad universiteti Niyazi Əlikram oğlu Həsənov Bİznesin strateji İdarə ediLMƏSİ (Dərslik)

Cədvəl 4.1

Sahənin cəlbediciliyinin qiymətləndirilməsi

Sahənin göstəriciləri	Nisbi çəki	Cəlbediciliyin qiyməti	Nəticə
1. Artım	0,2	2	0,2 · 5 = 1
2. Texnoloji sabitlik	0,5	5	0,5 · 2 = 1
3. Gəlir	0,2	1	0,2 · 1 = 0,2
4. Ölçüsü	0,1	5	0,1 · 5 = 0,5
Sahənin cəlbedicilik qiyməti			1+1+0,2+0,5 = 2

Aparılan təhlilin sahəsində SBV-nin rəqabət mövqeyini qiymətləndirmək üçün aşağıdakı proseslər tətbiq edilməlidir:

1. Şirkətin fəaliyyət göstərdiyi hər bir sahə üçün uğurun ən yaxşı amillərinin siyahısı tərtib edilir. Bu amillər, məsələn, məsrəflər, məhsuldarlıq, tədqiqat potensialı, bazar payı və s. ola bilər.

2. Tədqiqatçılar bu sahədə dayanıqlı rəqabət mövqe əldə etmək üçün onların əhəmiyyət dərəcəsini əks etdirən amillərin nisbi çəkisini müəyyən edir. Burada məbləğ vahidə bərabər olmalıdır.

3. Hər bir SBV üçün uğurun əsas amillərinin hər biri üzrə onun sahədə rəqabət gücünün dərəcəsi müəyyən edilir. Rəqabət gücünün dərəcəsi 1 - dən 5-ə ölçülür. Əgər tədqiqatçılar 5 qoyurlarsa, onda bu, o deməkdir ki, hər hansı böhranlı amil üçün uğurlu inkişaf strategiyası, biznes vahidinin öz sahəsində güclü rəqabət mövqeyinə malikdir. Yox, əgər 1 qoyurlarsa, onda qiymətlən­dirilən amillə bağlı rəqabət mövqeyi çox zəifdir.

4. SBV-in sahələr üçün rəqabət mövqeyinin ümumiləşdirilmiş qiyməti hesablanır. Bunun üçün uğurun əsas amillərinin hər birinin nisbi çəkisi müvafiq dərəcəli strategiyanın biznes vahidinin rəqabət gücünün dərəcəsini göstərən qiymətə vurulur. Əldə edilən bütün hasillər toplanır. Nəticə SBV-nin özünün sahəsində rəqabət mövqeyinin bütöv qiymətini verir (cədvəl 4.2).