Abituriyentler ushın Qaraqalpaq tili páninen qollanba quwat Jarekeev Tildiń jámiyetlik xızmeti

Ótken máhál	Házirgi máhál
Keler máhál
Bet	Birlik	Kóplik	Bet		Birlik	Kóplik	Bet		Birlik	Kóplik
I	keldim	keldik	I		Kiyatırman	kiyatırmız	I		kelemen	Kelemiz
II	keldiń	keldińiz	II		Kiyatırsań	Kiyatırsız	II		keleseń	Kelesiz
III	keldi	keldi	III		Kiyatır	Kiyatır	III		keledi	Keledi

Anıqlıq meyiller bet-san, máhál, bolımlı-bolımsız formalardı bildirip,óz aldına jay gáp yamasa jay gáptiń bayanlawıshı xızmetin atqaradı. Anıqlıq meyil formaları kontekstte qollanılıwına qaray birneshe modal mánili ózgesheliklerge iye bolıwı múmkin. Bul ózgeshelikler anıqlıq meyildiń máhállerge qatnaslıǵına qaray anıqlanadı. Olardıń stillik qollanılıwı da máhállerge baylanıslı úyreniledi. Anıqlıq meyil óziniń arnawlı formalarına iye. Anıqlıq meyildiń mánisi tiykarınan betlik qosımtaları arqalı bildiriledi. Olar kelbetlik feyildiń -jan, -maqshı/-mekshi, -baqshı/-bekshi, -paqshı/-pekshi, -ǵan/-gen, -qan/-ken, -ar/-er, -r qosımtaları hám feyildiń -ıp/-ip, -p , -a/-e, -y qosımtalarınan keyin 1-bettiń -man/-men, -ban-ben, -pan/-pen, -mız/-miz, -bız/-biz, -pız/-piz, -m, -q, -k jalǵawları, 2-bettiń -sań/-seń, -sız/-siz -ń, -ńız, -ńiz, 3-bettegi túbir formadaǵı buyrıq meyilge -dı/-di, -tı/-ti qosımtalarınıń qosılıwınan jasaladı. Mısalı: barǵanman, bararman, barmaspan, barajaqpan, barmaqshıman, barıppan, baraman, kelemen, isleymen, baradı, oqıydı t.b.
Otır, tur, júr, jatır feyilleri dara túrinde yamasa qospa feyil formasında betlik qosımtası arqalı anıqlıq meyil mánisin bildiredi. Mısalı: Mallar jaylawda júr. Mallar jaylawda jayılıp júr.