Müqavilənin yerinə yetirilmə təminatı – müsabiqə qalibinin satınalan təşkilata təqdim etdiyi və satınalma müqaviləsi üzrə öhdəliklərinin icrasına verdiyi təminatdır.
Təminat qüvvədə olan qanunvericiliyin və müsabiqəyə dəvət sənədlərinin tələblərinə cavab vermədikdə rədd ediləcəkdir. Rədd edilmə barədə bildiriş onu təqdim etmiş malgöndərənə dərhal göndəriləcək.
Müqavilənin yerinə yetirilmə təminatının qüvvədə olma müddəti satınalma müqaviləsi üzrə malların göndərilməsinə tələb olunan müddətə, gündəlik cərimə dərəcəsi üzrə cərimələrin maksimum həddinə çatana qədər yol verilə biləcək gecikmə müddəti əlavə olunduqdan sonra 20 bank günü çox olmalıdır.
Müqavilənin yerinə yetirilmə təminatı satinalma müqaviləsi malgöndərən tərəfindən satınalan təşkilatı qane edəcək keyfiyyətdə və ən çoxu cərimələrin maksimum həddinə çatana qədər yol verilə biləcək gecikmələrlə yerinə yetirildiyi təqdirdə təxirə salınmadan qaytarılır.
Satınalan təşkilat aşağıdakı hallarda müqavilənin yerinə yetirilmə təminatını tutur:
malgöndərən (podratçı) mqavilənin şərtlərinə və tətbiq edilən qanunvericiliklə nəzərədə tutulmuş hallar istisna olmaqla, satınalma müqaviləsi üzrə öhdəliklərini yerinə yetirmədikdə və ya bundan imtina etdikdə;
satınalma müqaviləsinin icrasında gecikmələrə görə hesablanan cərimələrin məbləği satınalma müqaviləsində nəzərdə tutulmuş maksimum həddə çatdıqda.
QOŞMA 10 (BANKIN RƏSMİ BLANKINDA)
AVANS ÖDƏNİŞLƏRİ ÜZRƏ BANK QARANTİYASININ
