Açıqlama 23-26 15092022 nk

4.2. Əsas məqsəd, istiqamət və hədəflər 
Büdcə siyasətinin qısamüddətli və ortamüddətli dövr üzrə məqsəd, istiqamət və 
hədəfləri mövcud qlobal iqtisadi çağırışlar və imkanlar, eləcə də Azərbaycan Respublikası 
Prezidentinin 2022-ci il 22 iyul tarixli 3378 nömrəli Sərəncamı ilə təsdiq edilmiş “Azərbaycan 
Respublikasının 2022-2026-cı illərdə sosial-iqtisadi inkişaf Strategiyası”nda qarşıya 
qoyulmuş məqsəd və hədəflər nəzərə alınmaqla müəyyən edilmişdir. 
Qısamüddətli dövrdə büdcə siyasəti fiskal alətlər vasitəsilə iqtisadi artımın, 
inflyasiyanın, işsizlik səviyyəsinin və tədiyyə balansının sabitliyinin təmin edilməsinə töhfə 
verməklə makroiqtisadi və fiskal tarazlığın qorunmasına yönəldiləcəkdir. Ortamüddətli 
dövrdə isə büdcə siyasətinin əsas məqsədi təkmilləşdirilmiş büdcə qaydası əsasında xarici 
valyuta ehtiyatlarının qorunmasına, eləcə də intizamlı dövlət borclanmasına riayət etməklə 
inklüziv artımın dəstəklənməsi və ölkənin dayanıqlı inkişafının təmin edilməsindən ibarətdir.
Qeyd olunan məqsədlərə çatmaq üçün 2023-2026-cı illərdə büdcə siyasətinin 
aşağıdakı istiqamətlərdə həyata keçirilməsi nəzərdə tutulur:
1. Büdcə qaydasının ortamüddətli lövbərlərinə əsaslanan makro-fiskal 
çərçivənin tətbiqi. “2022-2026-cı illərdə sosial-iqtisadi inkişaf Strategiyası”na əsasən 
dayanıqlı artan rəqabətqabiliyyətli iqtisadiyyat Milli Prioriteti üzrə qarşıya qoyulmuş 
strateji məqsədlərdən biri daxili və xarici təsirlərə dayanıqlığın gücləndirilməsidir ki, bu 
məqsədin də reallaşdırılması üçün fiskal tənzimləmənin təkmilləşdirilməsi fəaliyyət 
istiqamətlərindən biri kimi müəyyən edilmişdir. Bu istiqamətdə artıq bir sıra mühüm addımlar 
atılmış, büdcə qaydası təkmilləşdirilərək cari ilin 1 yanvar tarixindən tətbiqi bərpa olunmuş 
və büdcə qaydasına əsaslanan yeni makro-fiskal çərçivə formalaşdırılmışdır.
Belə ki, Azərbaycan Respublikası Prezidentinin 2022-ci il 28 mart tarixli 1637 nömrəli 
Fərmanına əsasən icmal büdcənin qeyri-neft baza kəsirinin qeyri-neft ÜDM-yə nisbət 
göstəricisinin ortamüddətli dövr üzrə hədəflənən yuxarı həddi 20,0 faiz, dövlət borcunun 

---

15 
ÜDM-yə nisbət göstəricisinin ortamüddətli dövr üzrə hədəflənən yuxarı həddi isə 20,0 faiz 
müəyyən edilmişdir. Qeyd olunan nisbət göstəricisinin hədəflənən yuxarı həddinin 2023-cü 
ilin sonuna 25,0 faiz müəyyən edilməsi təklif olunur. Bununla yanaşı, “Azərbaycan 
Respublikasının 2022-2026-cı illərdə sosial-iqtisadi inkişaf Strategiyası”na əsasən icmal 
büdcənin qeyri-neft baza kəsirinin qeyri-neft ÜDM-yə nisbət göstəricisinin yuxarı həddinin 
2026-cı ilin sonuna 17,5 faizə endirilməsi, həmçinin dövlət borcunun ÜDM-yə nisbət 
göstəricisi üzrə 2026-cı ilin sonuna yuxarı həddinin 20,0 faiz səviyyəsində saxlanılması 
hədəflənir. 
Eyni zamanda, ölkənin strateji valyuta ehtiyatlarının qorunması və dayanıqlığının 
təmin edilməsi məqsədilə Dövlət Neft Fondunun (DNF) aktivlərinin dayanıqlı səviyyədə 
qorunması və DNF-dən dövlət büdcəsinə yönəldilən illik transfertin həcmlərinin həmin həddə 
uyğun olaraq tənzimlənməsi nəzərdə tutulur. DNF-nin aktivlərinin qorunması nəinki fiskal 
tənzimləmə funksiyasını daşıyır, eyni zamanda daxili valyuta bazarında tarazlığı və bununla 
da uzunmüddətli makroiqtisadi sabitliyi və maliyyə dayanıqlığını təmin edir.