Açıqlama 23-26 15092022 nk

3. OMXÇ-nin tətbiqi və nəticəəsaslı büdcə mexanizminə keçidlə bağlı 
islahatların davam etdirilməsi. “2022-2026-cı illərdə sosial-iqtisadi inkişaf Strategiyası”nın 
tədbirlər planında OMXÇ-nin tətbiqinin genişləndirilməsi fiskal tənzimləmənin 
təkmilləşdirilməsi istiqamətində həyata keçiriləcək tədbirlərdən biri kimi qeyd olunmuşdur. 
Bu istiqamətdə növbəti illərdə OMXÇ-yə cəlb olunmuş pilot sektorlarda indikatorların 
təkmilləşdirilməsi və OMXÇ-nin sahəvi əhatəsinin genişləndirilməsi nəzərdə tutulur. 
Həmçinin, pilot sektorlarda monitorinq və qiymətləndirmənin təkmilləşdirilməsi istiqamətində 
tədbirlər də davam etdiriləcəkdir.
Eyni zamanda, dövlətin maliyyə resurslarının idarəolunması sahəsində səmərəliliyi 
artırmaq məqsədilə ortamüddətli dövrdə büdcə vəsaitləri ilə yanaşı, büdcədənkənar 
resursların da səfərbər edilməsi, onların məqsədyönlü istifadəsi və ciddi maliyyə intizamının 
tətbiqi istiqamətində işlər davam etdiriləcəkdir. Belə ki, pilot bölmələrin bəzi məqsədli 
proqramları üzrə nəzərdə tutulan tədbirlər dövlət büdcəsinin xərcləri hesabına deyil, müvafiq 
büdcədənkənar fondların əsasnaməsinə uyğun olaraq həmin fondlarda yığılmış vəsaitlər 
hesabına maliyyələşdirilməsi nəzərdə tutulur.
Beləliklə, fiskal intizamın gücləndirilməsi üçün büdcə resursları sektorlararası və 
sektordaxili düzgün bölüşdürüləcək, nəticələrə görə konkret subyektlərin məsuliyyəti 
artırılacaq, dövlət büdcəsi xərclərinin səmərəliliyinin yüksəldilməsi təmin ediləcəkdir ki, bu 
məqsədlə dövlət qurumlarının büdcə vəsaitlərindən istifadəsi üzərində nəzarət mexanizmi 
təkmilləşdiriləcəkdir. Bu, növbəti ortamüddətli dövrdə əlavə maliyyə resurslarına kəskin 
ehtiyacın olduğu bir şəraitdə dövlət büdcəsinin xərclərinin artmasının qarşısını almaqla 
yanaşı, dövlətin əlçatan maliyyə resurslarından maksimal istifadəsini təmin edəcəkdir. 
4. Dövlət investisiyalarının tədricən özəl investisiyalarla əvəzlənməsi. Milli xərc 
prioritetlərinə daxil olan, xüsusilə də işğaldan azad edilmiş ərazilərin bərpası və 
yenidənqurulması ilə bağlı layihələrin maliyyələşdirilməsinə özəl investisiyaların cəlb 
olunması məqsədilə əlverişli və etibarlı investisiya mühitinin yaradılması sahəsində 
görüləcək işlər dəstəklənəcəkdir. 
Ölkə iqtisadiyyatının beynəlxalq rəqabət qabiliyyətinin gücləndirilməsi, daha 
dayanıqlı və inklüziv iqtisadi artım mənbələrinin yaradılması, qeyri-neft ixracının 
stimullaşdırılması, iqtisadiyyatın liberallaşdırması, investisiya mühitinin yaxşılaşdırılması 
üçün daha təsiredici addımların atılması, dövlət əmlakının özəlləşdirilməsinin və aktivlərinin 
satışının sürətləndirilməsi, dövlət müəssisələrində mütərəqqi korporativ idarəetmə 
üsullarının tətbiq edilməsi yolu ilə fəaliyyətlərinin səmərəliliyinin artırılması istiqamətində 

---

17 
həyata keçirilən tədbirlər büdcə siyasəti çərçivəsində dəstəklənəcəkdir.