Act : Vo Theophilus, thu masa chu Jesu thilbol le, thuhil aboncha akipattil’a pat

Act 15:29 limsemthu houna doisa, thisan, alol kimeh a kithatsa, hi-cheng hi neh dauvin, jon thanhoiya konin kikangse leu chun pha ding ahi, damsel’uvin,” atiuve.
Act 15:30 Amaho chu alhah doh phat’un Antioch khoa achesuh-uvin, mipi akhop khomsoh phat’uvin lekha thot chu apetauve.
Act 15:31 Miho chun asimu leh tilkhouna thuho chu akipapi Iheh jenguve.
Act 15:32 Judas le Silas hi anilhona Themgao gel ahilhonjeh-in sopite chu thu tampin atilkhou lhonin ahatsah cheh Iheh lhon’e.
Act 15:33 Chukoma chom khat set aum jou Ihonin ahinsol ho henga dingin sopiten amani chu lung mongin alhadoh tauve,
Act 15:34 Silas vang chu anichon ding joh aphat jeh’in aumdentai.
Act 15:35 Paul le Barnabas chu Antioch khoa mi tamtah toh aum khom Ihonin, Pakai thu ahil chenin asei-phong lhon’e.
Act 15:36 Phat chom khat nungin Paul chun Barnabas jah a, “Hungin Pakai thu i-naseiphongna khopi jousea chekit hitin sopite chu itobanga iti nauvem gave hite,” ati.
Act 15:37 Hichun Barnabas-in Mark kitipa John chu amani toh kilhon’a pui din angaitoi.
Act 15:38 Ahinla Paul’in Pamphylia amani dalhaa na toh-khompi nom lou mi chutoh kilhon khom lou ding thilpha pen ahisah-e.
Act 15:39 Hijeh chun Paul le Barnabas akihanel ten lhon phat’in akikhenlo Ihonin, Barnabas chun Mark aki-puiyin Cyprus lam jonin kongin akitol’in,
Act 15:40 Paulin vang Silas aki-Ihenin, sopiten jong Pakai lungset-nan alhadoh’un, ama jong akipatdoh tai.
Act 15:41 Paul chun Syria le Cilicia ajotpeh-in Houbung jouse atilkhou peh-in ahi.
Act 16:1 Paul chu Derbe kho le Lystra khoa ahunge. Ven, Lystra khoa chun apa Greek mi, atahsan Juda numei khat cha amin Timothy kiti seijui khat aumin,
Act 16:2 ama hi Lystra kho le Iconium khoa sopite jousen aseipha lheh jengui.
Act 16:3 Paul’in Timothy hi kilhonpi ding adeijeh-in, chuti dunga um Juda hon apa Greek mi ahi ahetjeh-uvin apuiyin chep atanpeh-e.
Act 16:4 Hichun amahon khopi jouse achonsoh keiyun, Jerusalema Solchah ho le upaho kilolna chengse chu nit din miho apeleuvin ahi.
Act 16:5 Hijeh chun Houbung ho chu tahsan lama ahat cheh cheh jengun, niseh-in amijat apunbe be jenguve.
Act 16:6 Amahon Asia gamsunga thu asei diu Lhagao Thengin akham jeh-in Phrygia le Galatia gamkol sungse ajotsoh keiyuvin,
Act 16:7 Mysia gam gal ahung gei phat’uvin Bithynia lut ding akigot’u leh Jesu Lhagaovin aphalpeh pouve ;
Act 16:8 hijeh chun Mysia gam ajot paiyun Troas a achesuh tauve.
Act 16:9 Hiche jan chun Paul agaochan naa mu aneiyin Macedonia mi khat hi ahungna dingin ataovin, “Macedonia hung galkaiyin neihung kithopiuvin” ati
Act 16:10 Paul’in gaochan naa mu anei jou jou hin Pathenin Kipana Thupha chu miho hil dinga eikouvu ahi, tin kagel’uvin Macedonia gama chelut ding kasompaitauve.
Act 16:11 Troas a pat kakitol’uvin paljangin Samothrace kajon’un, ajing nikhon Neapolis kalhunguve ;
Act 16:12 hichea kon chun Macedonia gamkol sunga khopi minthang pen, Rome mite tolpi Philippi kalhung-tauve. Hiche khopia hin nikho phabeppi kanichongui.
Act 16:13 Choldo nikhon taona mun khat aume, ti kaginchat nau khopi dongkot polam vadung panga chun kacheuvin, katouvun numei hung kikhomho jah a thu kaseitauve.
Act 16:14 Kathuseiyu ngaiya numei khat chu amin Lydia ahin, Thytira khopia hung kon, ponsandup joh a pang, Pathen hou khat ahi, Paul thuseiho lung luttah a angaina din Pakaiyin alungkot ahonpeh tai.
Act 16:15 Amanu hi-ainsung mite to baptize achan phat’in, “Pakai tahsan tah beh a neigel’u leh ka-in’a hung Ihunguvin,” tin eijol’uvin, eithu nun tauvin ahi.
Act 16:16 Taona muna chu kacheu le khonung thusoh ding seiya apute dinga phatchomna lentah mupeh lhagaoboh vop soh nu-ngah khat hin eitoh khauvin ahi.
Act 16:17 Hiche nu hin Paul le keiho nung ajuiyin, “Hiche miho hi Pathen chungnung-pen lhachate ahiuvin, huhhingna lampi nahung hil’u ahi,” tin asam sam jenge.
Act 16:18 Hitobang hin nikho tampi sungin abol jinge. Paul’in athei chimjah phat’in akiheiyin lhagao jah a chun, “Hiche nua kon chun hung potdoh jengin, tia Jesu Christa min a kasol nahi,” atileh ; hichepet tah chun lhagao chu apot-doh tai.
Act 16:19 Aputen akinepnau phatchomna anei diu sum mu na ding abeitai, ti amudoh phat’un Paul le Silas chu aman’uvin kailhang mun’a vaipoho ang sunga akailuttauve;
Act 16:20 hitia hi thutan vaihomho heng alhut phat’un, “Hiche mi te ni hi Juda mi ahi lhonin, i-kho sungu asuboi Iheh jeng lhontai.
Act 16:21 Ama nin Rome mi eiho dinga jop thei lou le lah thei lou chondan sodoh dingin ago lhon’e,” atiuve.
Act 16:22 Mipin ma amani anokhum jeng phat’uvin, vaipoten aponsil lhon ahoh lhau-vin mol’a voh din thupeh aneitauve.
Act 16:23 Mol’a tamtah vei avoh jouvun songkul’a akhum’uvin, songkul ngahpa chun kitup keiya a-nga din ahilchah tauve.
Act 16:24 Hitobanga hilchahna aneijeh-uvin songkul ngah-pan songkul sung nung lama akoiyin, akhochong lhon’a bul atuh-in ahi.
Act 16:25 Jan khangkim donin Paul le Silas Pathen henga atao lhona la asah lhon le sohchang dang hon angaiyuve ;
Act 16:26 hichun photlot louvin ling nasa tah ahung kihot’in ahile songkul bul ahot kangsoh tan, apettah chun kotpi jouse akihong- doh tan, akihen nau bul jouse geiyin akilhamsohtai.
Act 16:27 Songkul ngahpa ahung kin khah le kotkhah jouse kihongsa um chu amun, sohchang jouse jamdoh hitante, tin ama ki-that din achemjam asatdoh jenge.
Act 16:28 Hichun Paul’in oging tah-in asamin, “Kithat ding kigo hih hel’in keiho ka-umsoh keinauve,” ati.
Act 16:29 Chuphat’in aman meivah athum loiyin alhai lut’in, kichaa kithing thingin Paul le Silas ang-sunga alhu jengin,
Act 16:30 chuin amani chu ahinpuidoh-in, “Pu te ni, huhhinga ka-umna dinga kabol khoh-pen ding ipi ham ?” atileh ;
Act 16:31 Amanin, “Pakai Jesu tahsan le chun nang le na-insung mi huh-hinga naum diu ahi,” ati.
Act 16:32 Hiti hin ama le a-insunga um chengse jah a Pakai thu aseipeh lhontai.
Act 16:33 Hiche nidanle le hin janlaiyin songkul ngahpan amani chu apuiyin, avoh nau maha jouse asop theng peh-in, a-insung mite le ama baptize achangtai.
Act 16:34 Chujouvin amani chu a-in’a ahinpuitouvin a-angsung lhona ankong aluipeh-in, Pathen atahsan jeh chun a-insung mite jouse to akipah thanom khom-uve.
Act 16:35 Khovah phat’in vaipoten mi man solle ho asol’uvin, “Mi te ni chu Ihadoh tauvin,” agatisah-ui.
Act 16:36 Hichun songkul ngahpan athu-sei chengseu hi Paul jah a aseiyin, “Vaipoten nangni lhadohna thu sei din mi ahinsoltai; hijeh chun tun hungdoh Ihonin lang lung mongin che Ihontan,” ati.
Act 16:37 Ahi vangin Paul’in miho jah a chun, “Rome mi kihiya themmona beiya amahon japi maiya eivouva song-kul’a eikhum’uva, tua guh thim’a iti eilhadoh diu ham ? Hitheiponte, amahon eihung puidoh-u hen,” ati.
Act 16:38 Mi man solle hon athu hi vaipote heng alhut’u le, Rome mi ahi ti ajah phat’un akicha cheh kit’un,
Act 16:39 hijeh chun aheng lhona kiphatlam thu ahung seiyun, apuidoh-uvin khopia kona potdoh dingin ajoltauve.
Act 16:40 Hiti chun amani songkul’a apotdoh-in Lydia avepa Ihonin sopite to akimuto’uvin, atilkhou Ihonin apotdoh lhontai.
Act 17:1 Amphipolis le Apollonia jotpaiya Thessalonica khoa ahung lhon leh hia chun Juda ho Houthua kikhopna in khat aum’e.
Act 17:2 Achonna ngai banga Paul chu ahenguva alut’in, Choldo nikho thum sungin Pathen lekhabua konin mipi chu akinelpi jin,
Act 17:3 Messiah chun gim genthei athoh tei ding le thinaa kona athodoh tei ding thu ahilchenin phot chetna aseipeh-in, “Nahenguva kaphondoh hiche Jesu hi Messiah chu ahitai,” ati.
Act 17:4 Hichun alah-uva mi phabep’in dih asauvin Paul le Silas ajop’un, Pathen ging Greek mi tampin chule numei lal ho lah a ajop’a jong atamuve.
Act 17:5 Chutah chun Juda miho athangseuvin, khopi sung lamlen dunga pannabei mithase phabep akhomun, khopi sunga boina lentah asosah-uvin, Jason in abulu’vin, Paul le Silas ahol’un mipi lah a kaidoh din ago’uve.
Act 17:6 Amani amulou phat’un Jason le sopite phabeppi khopi sung vaipote angsunga akailut’un, “Hiche ho hi vannoi akhup athal’a leh ho chu ahiuvin, hikom ahinphah-u ahitai,
Act 17:7 Jason hin amaho alhunsah-in, ‘Jesu kiti leng chom khat aum’e,’ tin Caesar thupeh chengse kal lhahnan abonchan na atongui,” tin asam’uve.
Act 17:8 Hicheng hi ajah phat’un mipi le khopi sung vaipote jong anoh lheh jenguvin,
Act 17:9 hijeh chun Jason le midang hoa kilhadoh man alauvin amani chu alhadoh tauve.
Act 17:10 Sopiten kinloi tah-in ajan janin Paul le Silas chu Berea khoa asoltauve; alhun lhon phat’in Juda ho Houthua kikhopna in’a alut lhon’e.
Act 17:11 Berea khoa Juda miho chu Thessalonica khoa ho sangin alung lenjo’uvin, lung opkai louhel’in thu asangun, athilsoh ho chu chuti mong nam tin niseh le Pathen lekha to avetoh jiuve.
Act 17:12 Hichea hin mi tampin atahsan lo tauvin, Greek mi numei lal ho le pasal ho jong atahsan atam’uve.
Act 17:13 Thessalonica khoa Juda mihon Barea khoa jong Paul’in Pathen thu aseiphong ahet phat’un chukoma jong mipi ahung tilse kit tauve.
Act 17:14 Chuphat’in sopiten Paul chu Twikhanglen pam lama asol pai jengun, Silas le Timothy vang chua aumden lhon’e.
Act 17:15 Paul gathah hon Athen khopi geiyin apuiyun, Paul’in Silas le Timothy chu ahenga hung loi ding adeina thupeh kengin amaho ahung kile kittauve.
Act 17:16 Paul’in Athen khopia Silas le Timothy a-nga pet’in khopi sunga limsemthu doi dimset’a kikoi amu-doh-in alung nalheh jenge.
Act 17:17 Hijeh chun Houthua kikhopna in’a miho le Pathen ging ho toh akinel’in, kailhangdunga jong niseh leh ato phah chan toh akinel nel ji’e.
Act 17:18 Hichea hin Epicurea loi le Stoic loi chihgut mihon Paul akinelpiuvin, alah-uva mi kon khat’in, “Hiche kamtam belbulpa hin ipi asei ding hi-nga na?” atiuvin, adang hon ma, “Gamdang miho hou, doi le kao asei ahitoh-e,” atiuve. Hiche hi aman Jesu le athodoh kit thu aseiphong-jeh ahi.
Act 17:19 Mihon Paul chu aman’un Areopagus molvum ki-khopnaa apuiyun, “Hiche nasei thuhil thah hi kahetbe thei diu ham ?
Act 17:20 Ajeh chu kajah-uva nasei abang bang hi alamdang lheh jengin, hijeh a chu hiche ho hi ipi kiseina mong ham ti kahet chet nom’u ahi,”atiuve.
Act 17:21 Athens kho mite le akhosunga cheng gamdang mi abonchauva ima dang gel louva thuthah thah seina le ngai naa phat amanjiu ahi.
Act 17:22 Hichun Paul Areopagus lai-lunga adingin miho adonbut’in, “Athen kho mite, ima lam jousea nang ho hi hougut tah nahiu kamui.
Act 17:23 Ijeh-inem itile nahou mun chengu kavet le naa ‘Hetphah lou pathen ding,’ tia kijih maicham khat kamu-doh-e. Hiche nang hon het louva nahouvu hi keiman nahenguva ka-hung seiphong ahi.
Act 17:24 Vannoi leiset le asunga um thil jouse sem Pathen, van le leiset Pakai chu mihem sem-thu doiphung dunga apansapoi;
Act 17:25 thil ngaichat nei banga mihem khutsoh a jen lung lhai thei jong ahipoi; Amatah-in mi jouse ahinsah, ahaitheisah a chule thil ijakai apeh-joh ahibouve.
Act 17:26 Aman mihem khat’a kona leiset chunga cheng ding chitin namtin hijat asemdoh a, gamgi asekhenpeh cheh a aphat teppeh a achensah ahi;
Act 17:27 amahon Pathen chu kinemtah a ahol’uva amaikhah thei-na diuva ahol ahin, ahinla Ama chu eiho koimacha dia jong gamla lou ahiye;
Act 17:28 ijeh-inem itile : ‘Eiho Ama jal’a hinga, Chatloh, chule Amaa ihiuve,’ tin nalah-uva chihguh sun hon aseiyui; ‘Tahbeh-in eiho ama chilhah ihiuve,’ tin aseinauve.
Act 17:29 Eiho jong Pathen chilhah ihijeh-uva chu mihem lunggel le khut them man-chah a sana ham, dangka ham, song ham a limsemthu tobang chu Pathen hinte tia igel lou diu- ahi.
Act 17:30 Het loulai khang chu Pathenin avet thim ahin, tun vang muntin’a mi jousen lung aheina diuvin thu apei,
Act 17:31 ipijeh-inem itileh aman amilhen-dohpa amanchah a thudih a vannoi leiset hi thu atanna dinga nikho khat atepsa ahitan, hiche hi tahsan din amilhendohpa chu thinaa konin akaithoutai,” ati.
Act 17:32 Thinaa kona thodoh kit thu ajah phat’un, mi phabcp’in anuisat uvin, adang hon vang, “Hiche nasei hi ka-ngaikit nom’ui,” atiuve.
Act 17:33 Hichun Paul alailunguva konin apotdohtai.
Act 17:34 Mi phabep’in vang akilhonpiuvin atahsan tauve, alah-uva hin Areopagus a kikhomji lah a mi Dionysius le Demaris kiti numei khat le adang ho jong ahiuve.
Act 18:1 Hiche jou vin Paul’in Athens dalhan Corinth ajontai.
Act 18:2 Hichea hin Claudius lengpan Judate aboncha Rome a kona, potdoh dia thu apeh jeh a Italy gama kona ajinu Priscilla toh hung lhungtil, Pontus gama peng Juda mi amin Aquila kiti chu akimupin, aheng Ihona achen,
Act 18:3 pon in sem ahicheh jeh-uvin, akiveinau akitha khat ahijeh chun akom Ihona apansan na atongkhom’uve.
Act 18:4 Choldo niseh leh Houthua kikhopna in’a Juda ho le Greek mite chu thu asuitohpi jin jol lut tei din agoji’e.
Act 18:5 Macedonia gama kona Silas le Timothy ahung lhun phat’in, Paul chu thu seiphongin bou apang-in, Juda ho henga Jesu chu Messiah ahidol ahettohsah-e.
Act 18:6 Ahinla amahon adoudal’un, ataitomu leh, Paul’in aponsil ho athingin ajah-uva, “Manthaina naneiyu leh nang hon mo nakipoh diu ahi! Keiman themmona kaneipoi! Tua kalvang chidang namdang te henga kachei!” ati.
Act 18:7 Hiti chun chua konin achen Pathen ngaisah tah mi amin Titius Justus kitipa in’a aluttai; ama in chu Houthua kikhopna in bantah ma ahi.
Act 18:8 Houthua kikhopna in vaipo Crispus chun a-insung mi chengse toh Pakai atahsanin, chule athu ja Corinth mi tampin jong atahsanun baptize achangtauve.
Act 18:9 Jan’a Paul’in Themgao thilmua mu aneinaa Pakaiyin, “Kichat dan, umthim, louhel’in seijom jingin;
Act 18:10 ajeh chu Keiman ka-umpi jingin, koiman suhset dia nanokhum lou ding ahi; ijeh-inem itile hiche khopi sung jenga jong mihem tampi ka-neiye,” ati.
Act 18:11 Hijeh chun Paul kum khat le lhagup alah-uva apansan Pathen thu ahil hil jenge.
Act 18:12 Achaia gam gamvaipoa Gallio apan laiyin Juda ho apangkhomun Paul aman’uvin thutannaa ahin- kai lut’un,
Act 18:13 “Hichepa hin chonna dan ngailouva Pathen hou din miho ajol lha lhai,” atiuve.
Act 18:14 Hichea hi Paul pao akigot leh Gallio chun Juda ho jah a, “Vo Juda ho, namiheh nau hi suhkhelna ham khan gitlouna ham thu hileh ka-ngaipeh ding nahiuvin,
Act 18:15 nang ho Danthua le min ho thudol vang nang hon kivet tup tauvin, hiche hoa hin keima thutanin pang ponge,” ati.
Act 18:16 Hiti hin thutanaa konin aban nodohtai.
Act 18:17 Amahon Houthua ki-khopna in vaipo Sosthenes chu aman’un thutanna in mai laitah a avoh jeng vangun, Gallio chun donin aseppoi.
Act 18:18 Paul chu nisot tah sopite toh aumkhomin, chuin amaho chutoh akilhan, Priscilla le Aquila toh Ihonin Syria lam ajontai. Cenchreas khoa kitepna anei jeh-in sam aki-voi.
Act 18:19 Ephesus kho ahung lhun’un Paul’in amani dalhan, Houthua kikhopna in’a alut’in Juda ho toh thu asuitoh-ui.
Act 18:20 Amahon nichong sot jep dia alho vangun anompon,
Act 18:21 amaho toh akilhan, “Pathen lung-dei ahileh nahenguva hung kit nange” atin, Ephesus khoa konin apotdohtai.
Act 18:22 Paul Caesarea khopia akum-lhan, Jerusalema achetouvin Houbung miho salam agabol’in, Antioch lama achesuh paitai.
Act 18:23 Chukoma chomkhat aum nungin akipatdoh-in Galatia le Phrygia gamkol muntin akhol len, seijuite aphutdet len ahi.
Act 18:24 Juda mi Alexandria peng, amin Apollos kiti khat Ephesus khopia ahungin, ama hi thusei them le Pathen lekhabua themtah jong ahi.
Act 18:25 Apollos chu Pakai lampi kihil themsa, Lhagaova gunchu tah ahin, Jesu thudol aseiyin kitoh chet’in ahilnan, ahivangin John baptize chandol chubou anahei.
Act 18:26 Ama hi akipat’in Houthua kikhapna in’a hakattah-in thu aseiye; ahinla Pris-cilla le Aquila’n athusei ajah lhon phat’in apui Ihonin Pathen lampi chu kichentah-in ahilchen lhone.
Act 18:27 Apollos chu Achaia gama ache nom phat’in sopiten atilkhou’un seijuiten anasan theina diuvin phat-seina lekha jong asutpeh-ui. Ahung lhunin lungset vanga atahsante chengse hatah-in akithopi;
Act 18:28 ijeh-inem itile Jesu chu Messiah ahidol Pathen lekhabua konin phot chetna tampin Juda ho chu japi maiya anel khuptai.
Act 19:1 Apollos Corinth khopia aumpet’in Paul chun sahgam lam alhahpeh-in Ephesus khopia ahungle hikoma chun seijui phabep amun,
Act 19:2 hiche ho jah a chun “Natah-san’uva chu lhagao Theng nachanu hinam?” atileh ; amahon ajah a, ”Lhagao Theng aum’e, tibon kija kha loulaiya,” atiuve.
Act 19:3 Chuphat’in Paul’in, “Ipipen tah a ba baptize chang nahiuvem ?” atileh; amahon, “John baptize chansah bangin,” atiuve.
Act 19:4 Hichun Paul’in, “John chun lung heina dinga baptize achansah a, anunga hung dingpa, Jesu chu atahsan theina diuva miho aseipeh ahibouve,’ ati.
Act 19:5 Hichu ajah phat’un amaho Pakai Jesu minin baptize achangun,
Act 19:6 Paul’in achunguva akhut te ni a-ngap leh Lhagao Theng achunguva ahung chun, amahon paochom chom thon gaothu aseitauve.
Act 19:7 Abon’un mi som le ni tobang bep ahiuve.
Act 19:8 Paul chu Houthua kikhopna in’ah alut’in, kicha louhel’in lha thum sungin miho chu Pathen lenggam thu asuitohpin, jollut tei din agoi.
Act 19:9 Ahinla mi phabep alouchal’a atahsan louvu toh chule mipi maiya chuche Lampi chu aseiset phat’uvin Paul’in amaho chu adalhan, seijuite apuidoh-in, niseh leh Tyrannus kihilna in’a akihoulimpiji’e.
Act 19:10 Kum ni sunga hitia hi abol leh Asia gama cheng, Juda ho le Greek mite geiyin Pakai thu ajasoh tauve.
Act 19:11 Pathenin thil kidang seithei louhel hel Paul khut’in aboltan,
Act 19:12 Paul ultheh pon le a-op tomna pon ho san achoiyun ana damlouho henga apoh lut’u leh anat nauvin alhauvin lhagaoboh ho jong apot-dohjitai.
Act 19:13 Hichun Juda mi vahvei doithemnaa kivah loiyin jong lhagaoboh vopte chunga Pakai Jesu min apan’un, “Paul’in asei-phongle Jesu jal’a kahahsel nahi-uve,” atitauve.
Act 19:14 Hitia bol ho chu Juda mi thempu pipu Sceva chapate ahiuve.
Act 19:15 Ahinla lhagaoboh chun adon-but’in ajah-uva, “Ken Jesu kahen Paul jong kahenai; nang ho koi nahiuvam?” ati.
Act 19:16 Chuin lhagaoboh voppa chu achomin achunguva achuh jengle mi ni athajo paiyin, abonchauva athajosoh phat’in in’a kon chun sagoh keo le mapun ajamdoh tauve.
Act 19:17 Athusoh hi Ephesus khopia cheng Juda mi jouse le Greek mi jousen ahesoh tauvin, akicha lheh jenguve; hijeh chun Pakai Jesu min aloupi cheh tai.
Act 19:18 Atahsan ho jong ahungun japi maiya atahsanu chu aphongdoh-un athilbol’u aseidoh tauve.
Act 19:19 Mitpheldoi them tampin alekha jouseu ahinpo khom’un mitin mitmun ahalvam’uve; ahal-vam chengseu man asuhtou leh dangka sangsom nga alhinge.
Act 19:20 Hiti hin Pakai thu hahattah-in akhangtouvin ajousohtai.
Act 19:21 Thilsoh hicheng kichai nung hin Paul’in alungthimin Macedonia le Achaia gam chotsoh a Jerusalema chepai ding. “Hiche kichai-soh teng Rome kagamutei ding ahi,” ati.
Act 19:22 Ahivangin alhacha Timothy le Erastus Macedonia gama, asol’in, ama Asia gama chomkhat aum nalaiyc.
Act 19:23 Hiche lai hin chuche Lampi thudol’a boina chu thuneo them ahitapoi.
Act 19:24 Ijeh-inem itile dangka kheng them Demetrius kiti mi khat hin Artemis doilim houna inlim dangkaa asemdoh a, dangka kheng themho dia kiveina asodoh chu thil neocha ahipoi.
Act 19:25 Hiche miho hi le asumkol veinau kibahpi chengse akoukhomin, “Mihem ho, hiche ikiveinauva kona haodoh ihiu nahecheh-ui.
Act 19:26 Ephesus khopi sung goh hilouvin Asia gam pumpi chansoh pai ding ahitan, hiche Paul hin mihem khut’a kisemthu ho hi Pathen ahipoi, tia mi aloi loiya tamtah ajol Ihah a aheimang gam ahitai, ti mujong namu’uvin hejong naheuve.
Act 19:27 Hichea hin ikiveinau manlou asoding kichat aumgoh hilouvin ipathen len nu Artemis houin geiya nahsahmoa hung kibol’a, Asia gam-pumpi le vannoi pumpin ahou cheh pathen len nu geiya suhjuma hung umtah bah ding ahi,” ati.
Act 19:28 Mihon hichu ajah tah-un alung hang lheh jengun, “Ephesus mite Artemis alen’e,” tin asam cheh-ui.
Act 19:29 Hiti chun akhothingin alingsoh jengun, mihon Paul toh hung jinkhom Macedonia gam mi Gaius le Aristarchus chu aman’un japi lenkhomna in’a alhoh lut jeng-ui.
Act 19:30 Paul chu japi lailunga agalut nom vangin seijuiten aphal pouve;
Act 19:31 Asia gam vaipo aloite phabep man japi lenkhomna in’a ahung lut louhelna din mi ahinsol’un ahung kham’ui.
Act 19:32 Akikhom chengse chun ipi jeh a kikhom ahiu ahetchet loujeh-un aboi lheh jengun, abang-in thu khat asamun, kimkhat man thuchom khat asam’ui.
Act 19:33 Mipi phabep’in vang Juda hon japi maiya ahinsot lut’u Alexander chu a-ngoh-un, hijeh chun Alexander’in japi maiya akihonna seidin khut ajap’e
Act 19:34 Ahin mihon ama chu Juda mi ahi ahetdoh phat’un, “Ephesus mite Artemis alen’e!” tin o-khat tah-in nidan ni jen asam sam jeng-ui.
Act 19:35 Hichun khopi sung lekha sunpan mipi aphoh thip’in, “Ephesus kho mite, Ephesus khopia hi Artemis len nu le van’a kona hung lenglha song theng kikoi ahi kon ahetmoa nabol’u ham ?
Act 19:36 Hiche thil ho hi seitoh thei ahilou het’a thip beh a na-um’uva kholtoh louva jong chu namoh bol lou diu ahi.
Act 19:37 Hichea nahinkai lut jengu miho jong hi houin choma la ahi-pouvin, pathen nu taitoma jong ahi-pouve.
Act 19:38 Hichejeh chun Demetrius le atoh khompi khut them hon mi khattou chunga lung lhai louna aneiyule kihehna in honsa ahin, thutan vaihom ho jong aum nauve, akiheh nom nom gakiheh tau hen.
Act 19:39 Hiche kalval’a thudang nahol’u aum vangleh angaiyin khoppilen teng seitoh ding ahibouve.
Act 19:40 Ajeh chu tuni boina thua hi mipi tilsea eiki-ngoh diu tijat aum’e;hiche kikhoplo na jeh kichentah a seithei ding jong i-umpouvin ahi,” ati.
Act 19:41 Hiche hi aseiyin khoppi chu alhadohtai.
Act 20:1 Khopi boina athip phat’in Paul’in seijuite akoukhomin, amaho atilkhou nungin akilhahpin Macedonia gam jonin akipatdohtai.
Act 20:2 Macedonia gamkol sungse se achotsoh a tilkhouna nasatah anei jouvin Greek gama ahung lhungtai.
Act 20:3 Hiche gama chun lhathum acham in, Syria gam jon’a achegot leh Juda hon achanlhih jeh-un, Macedonia gam jot lhungkei kit din akigotai.
Act 20:4 Hichun Beroea khoa Pyrrhus chapa Sopater chun alhon-pin, Thessalonica khoa Aristarchus le Secundus, Derbe khoa Gaius le Timothy, Asia gam mi Tychicus le Trophimus jong ahiuve.
Act 20:5 Amaho hi anacheuvin Troas khoa eina ngah-ui;
Act 20:6 keiho vang cholsolou changlhah kut jouvin Phillippi khopia konin kongin kakitol’un ni-nga lhin nin Troas khoa ahengu kalhungun, hikoma chun ni sagi kanichongui.
Act 20:7 Choldo nikho jou ni masa nia changlhah nekhom din kakikhop’u le Paul’in ajing nikhoa che ding agot jeh-in jan khangkim geiyin miho thu ahil hil jenge.
Act 20:8 Chungnung indan kakikhop nauva chun meivah tampi akivah-e.
Act 20:9 Hichea chu gollhang amin Eutychus kiti khat bangkot geiya tou ahin, Paul’in thu aseisot jeh chun gollhangpa hi a-ihmut, asoh behseh jengin, ana-ihmu lhutan, chungnung indan thumnaa konin alha mangin ahileh athisan agaphongdoh-ui.
Act 20:10 Hichun Paul akumlhan gollhangpa chunga aboh khup’in akijamin akoichah denin, “Tija hih-un, ajeh chu asunga ahinkho aum nalaiye,” ati.
Act 20:11 Paul akaltouvin changlhah aheh-bal bal’in, anen, jingkah khovah lhah geiyin miho to akihoulimin, chuin apotdohtai.
Act 20:12 Mihon gollhangpa chu ahingin akipuiyun seithei louhel’in alung mongui.
Act 20:13 Keihon kong lam kajon’un, Paul chu kong sunga lalut din Assos lama kakitol’ui; ijeh-inem itile aman hiche geiya chu keng-lama che ding agot ahiye.
Act 20:14 Paul’in Assos mun’a eikimupi phat’un konga kalalut’uvin Mitylene lang kajontauve.
Act 20:15 Chua konin konga kakitol’un ajing nikhon Chios gal kalhungui; athai nin Samos kalhungun, athai nin Miletus kalhung tauve.
Act 20:16 Ijeh-inem itile Paul’in ahithei leh Pentecost nikhoa Jerusalema Ihun tei ding agot jeh’in, Asia gama umsot louna din Konga kitol’a Ephesus khopi chu palam a jotpa ding agot ahitai.
Act 20:17 Paul’in Miletus khoa konin Houbung upaho kou din Ephesus khoa mi asol’e.
Act 20:18 Upaho ahenga ahung phat’in Paul chun ajah-uvah, ”Asia gam kahin chotlut’a pat hitih chan’a hi itobanga nang ho toh kalhat khom umchan naheuvin,
Act 20:19 Juda hon eichan lhih jinguva thoh hesoh tampi kachunga alhun vangin nun nemtah le mit lhi pum-in Pakai kin kabol jing jin;