Act : Vo Theophilus, thu masa chu Jesu thilbol le, thuhil aboncha akipattil’a pat



Yüklə 146.58 Kb.
səhifə6/6
tarix17.08.2018
ölçüsü146.58 Kb.
1   2   3   4   5   6
Act 25:24 Chutah-in Festus chun aseiyin, “Lengpa Agrippa chule keiho toh umkhom chengse, veuvin hichepa hi Juda mi jousen, Jerusalema ahin, hikoma ho ahiuvin, ama ahinga hoisot louhel ding dol’a asap sap jenguva kahenga a-ngeh-u ahiye.
Act 25:25 Ahinla keiman ama hin thina thei lom thilse aboldoh kamupoi, aman ma Kumpipa henga thu alhut tahjeh-in sol dinga thu kalhuhsah ahitai.
Act 25:26 Hichea hi achung chang thudol’a Kumpipa henga sut ding ima kichentah-in kahe theipon, hijeh a chu na-angsung-uva kahinpuidoh a, vo Lengpa Agrippa, nangma angsung mong monga kahinpuidoh ahi! Athu doh toh nunga sut ding them khat kahet-doh theina ding kati ahiye.
Act 25:27 Ijeh-inem itile akihehna thudol kichen a sun louva sohchang gahsol jeng chu kitoh din kagelpoi,” ati.
Act 26:1 Agrippan Paul jah a, “Naki-honna thu sei theiyin nate,” ati. Chutah-in Paul chun akhut ajah-in anoiya bang hin akihonna thu aseiye :
Act 26:2 “Lengpa Agrippa, Judahon eiheh na jouseu thua tunia nangma angsunga kakihonna thu sei dia ka-um hi lungnom kakisa lheh jenge;
Act 26:3 ajeh chu Judate puchon pachon Dan jouse le akinel nohna nangin nahe themsoh keiyin, hijeh chun lung nengtah-in kasei nei ngaipeh-in tia tao kahi.
Act 26:4 “Keima kaneocha lhah a kanam mite lah a Jerusalema kachen a kanun kakhan aboncha Juda miten ahetsoh keiyu ahi;
Act 26:5 amahon asei nom’uva ahileh phat sotpi sunga eihetsau ahijeh chun kahoudanuva chon kikhelpen tah a Pharisee mi kahin,
Act 26:6 chule tua hi kapu kapateu henga Pathen tepsa kinepna thudol’a kathu khol dinga hikoma ding kahiye.
Act 26:7 Hiche kinepna thudol’a hi kaphungbul piu som le ni jenin gunchu tah a sun le jan a Pathen ahouvu anahi. Vo lengpa hiche kinepna thudol’a hi Juda mihon eihen-u ahibouve.
Act 26:8 Juda mi nang hon Pathenin mi thisa athodoh kit thudol hi natahsan ding hahsa nasah-u ham ?
Act 26:9 “Keijengin jong kajo chan’a bol’a Nazareth Jesu min douna thil ijakai bol ding kagotsa ahi.
Act 26:10 Hito-bang hin Jerusalem khosunga kabol’in Thempu pipu hoa konin thu neina kalan, mithengte tampi songkul’a kakhumin, chule athau jong chun pha kasai.
Act 26:11 Phat atamjon Houthua akikhopnau in tin’a talen kamatsah-in, atahsanu ataitom teina diuvin ka-engbol’in, achung-uva kalung hangten tun jengin gamdang miho khopi dung geiyin kagabol sen ahi.
Act 26:12 “Hitobanga amaho bol genthei ding chun Thempu pipu hoa kona thu neina kengin Damascus khopi jonin kachen,
Act 26:13 vo lengpa, sunkim dontah’in lampia nisa sanga vahjo van’a konin vah khat kamun, vah chun keima kimvel chengse le kalhonpi ho chengse asalvah sohkeiye;
Act 26:14 hichun tol’a kalhuhsoh phat’uvin Hebrew paovin kajah a, “Saul, saul, ibol’a neibolset set ham ? Nang dia thihtul monghem lho chu bongchal’in apu mol-hem anungsai bep ahi,’ eiti.
Act 26:15 Hichun keiman, ‘Pakai, nang koi nahim ?’ katileh; Pakaiyin, ‘Nabolset set Jesu chu. kahi.
Act 26:16 Hijongle thouvin nakengin pansan dingin, nahenga kahung kilahna jeh chu nangma kalhachaa pansah ding le nathilmu chengse le nahinmu kit ding chengse hettohsah a pansah dinga hung kilah kahi,
Act 26:17 kasolna mi Israeltea kon le chidang namdang ho’a kona kahuhdoh jing ding,
Act 26:18 muthima kona khovah’a ahung kiheidoh theiyuva Satan tha neinaa kona Pathen henga ahung kihei theina diu chule Keima eitahsan jal’uva chonset ngaidamna amutheiyuva, lhat thengsa ho lah a goulo chan anei theina diuva amit’u hasah dinga ahenguva kasol ding nahi,’ eiti.
Act 26:19 “Hijeh chun vo lengpa Agrippa, van’a kona themgao thilmu kamu chu athua nung louvin ka-umpoi;
Act 26:20 amasan Damascus khopia umho henga kaseiyin, Jerusalem le Judea gam pumpia jong, chidang namdang ho lah geiyin lung heiya Pathen lama akiheiyuva chule alung heiyu toh kilom’a natohpha atohna diuvin kaseipeh soh keiye.
Act 26:21 Hiche-jeh a hi Juda hon Houin sunga eimat’uva tha dinga eigot’u ahi.
Act 26:22 Ahivangin tuni chan geiyin Pathenin eikithopin, hikoma kadingin milen mineo hengah hettohsahna thu hi kaseiye; kasei hi Themgao ho le Mose’n hung guilhung dinga ana-seisau chu ahin,
Act 26:23 Christan hesoh genthei athoh tei ding, thinaa kona thoudoh masapen’a panga, Juda mi le chidang namdang ho henga khovah thu aphondoh ding ahi,” ati.
Act 26:24 Paul’in hitia kihonna thu asei chun Festus’in othongin akouvin, “Vo Paul a-ngol nahitai; nalekhathem sang chun na ngolsahjoji ahitai,” ati.
Act 26:25 Ahivangin Paul chun, “Vo lalchungnung Festus, a-ngol’a kahi-pon, kicheh tah a thudih kaseijoh ahibouve.
Act 26:26 Ijeh-inem itile leng Agrippan hiche hi ahet ahijeh a ajah a ngamtah a kasei ahiye; ajeh pen tah chu a thil hi ningkoiya kibol ahiloujeh-in ama hetlou um louhel din katahsan’e.
Act 26:27 Lengpa Agrippa, Themgao ho natahsan em? Natahsan kahei,” ati.
Act 26:28 Hichun Agrippan Paul jah a, “Hiche chomkah cha sunga hin Christian hisah neigoi!” ati.
Act 26:29 Hijongle Paul’in, “Phat chom hen sao leh tunia kathusei ngai chengse hi thihkhaova kakihenna ho tilouvin keima tobang hisoh keiyu leh tin Pathen henga kathum’e,” atitai.
Act 26:30 Hichun Iengpa le gamvaipo Bernice chule atoukhompi chengse akipatdoh-in
Act 26:31 adalhah phat’un khat le khat akihou lhiuvin, “Hichepa hin thina thei lom hihen songkul’a henna thei lom hijongleh ima abolset atohset aumpoi,” akitiuve.
Act 26:32 Hichea hin Agrippan Festus jah a, “Hichepa hin Kumpipa henga thu alhut lou hileh lhadoh thei ahitai,” ati.
Act 27:1 Konga kitol’a Italy gam kajot diu akichet phat’in Kumpipa sepai Ihentum lah a sepai jalamkai Julius kitipa khut’a Paul le soh-chang dang ho apedoh tauve.
Act 27:2 Adramyttium a chun Asia gam kongkai mun jouse jotpa ding kong khat’a kalut’un, Macedonia gam Thessalonica khoa hung kon Aristarchus chutoh kiihonin kakitol’uve;
Act 27:3 ajing nikhon Sidon kaimun kaIhungun, Julius chun Paul alung-set’in agol apai ho henga chea angaichat chan apeh diuvin asol”e.
Act 27:4 Chua konin keiho lam nga’a hui anun jeh-in Cyprus twikol lesun sun’ah kakitol’uvin,
Act 27:5 Cilicia le Pamphylia Twikhanglen thuh lai kagal kaiyun Lycia gama Myra kho ka-lhungtauve.
Act 27:6 Hikoma hin sepai jalamkaipan Italy jon ding Alexandria kong khat aga mudoh-in hia chun eikhumtauve,
Act 27:7 Nikho sotpi sungin olcha chan kakitol’un hahsa tahin Cnidus kho kalhunguvin, huiyin kajotna lam’uva chetheiya eilha lou phat’uvin Crete twikol lesun sun’ah kakitol’un Salmone jon kajot’un,
Act 27:8 twi pamchin chin kalhah peh-uvin, nah nah-in Lasea khopia kona gamla behseh lou kongkai munhoi kiti khat ka-Ihunguve,
Act 27:9 Phat sottah kanichon nungun Thoidamna an ngol phat jong aki-chaitan, konga kitol’a kholjin banjop dingla kichat aumtah jeh-in Paul’in miho athumop’in,
Act 27:10 ajah-uvah, “Miho, konga ikitol’u hi toset ito tei diu thil le lo mai hilouva ihinkho diuva jong manthahna um ding kichat tijat aum’e ti kamui,’ ati.
Act 27:11 Ahinla sepai jalamkai chun Paul thusei sangin kong lamkaipa le kong neipa thujoh alajoi.
Act 27:12 Kongkai mun chu phalbi sunga umna dia aphat loujeh-in, mi atamjon Twikhanglen’a kitoldoh a ahithei chan a Phoenix lhun tei ding asom’ui; Phoenix chu Crete gama kongkai mun khat ahin, lhanglam Ihum le sahlam-lhum a-ngat ahi, hichea chu phalbi sunga cham ding atiu ahiye.
Act 27:13 Lhanglam hui olcha cha ahung nun phat’in mihon alung ngaito bang molso thei din agel’un, kong-khaopi alhauvin Crete twikol pam-chin chin’ah atoltauve.
Act 27:14 Ahivangin chom khat jouvin sahlam niso hui kiti hui hattah twikol gam lama konin ahung nungsuh paiyin,
Act 27:15 hui chun kong ahinsem khah phat’in anang joutapon, kamoh lhau le ei-lhoh lhoh jeng tauve.
Act 27:16 Hichun Cauda kiti twikol neocha khat lesun sun’ah kalhaiyun nah changsal’in kong inneiya kong neochu kahendet nah nah-ui.
Act 27:17 Kongneo chu kong innei kimvel’a chun akanbeh-un ahunan amangun, Libya twi pamchin nel lah a kilenglut khante, ti gin nan pondal kipeina chu aloi lhauvin hui amoh lhohsah sah tauve.
Act 27:18 Hui hattah chun eisuh gim behseh phat’un ajing nikhon kong sunga thil le lo apai pantauve.
Act 27:19 Nithum nin kong manchah ho geiyin akhut-uvin apai kit tauvin ahi.
Act 27:20 Nikho tamtah sunga nisa mel le ahsite mel kimudoh louhel’a hui hattah tang louhel’a anun nun jeng phat’in kaso-chatna diuva kinepna jouse abeitai.
Act 27:21 Phat sottah miho nelou cha-louva aum nungun Paul alah-uva adingin, “Vo miho, nang hon kathu-sei na-ngaiyuva Crete a kona ihung kitoldoh lou diu, hitobang set to na le manthahna hi itokhah lou diu dol ahi.
Act 27:22 Hijongle tua jong nahenguva katao ahi, hang tah-in pangun! Ijeh-inem itile nalah-uva koimacha athi amang na-um lou diu, kong innei vang mang ding ahi;
Act 27:23 ajeh chu Amaa kahia alhachaa kapan Pathena kon Vantil khat tujan chun kahenga ahung kilah-in
Act 27:24 “Vo Paul, kicha hih-in, Kumpipa ang’a nadin tei tei ding ahi chule ven nalhonpi chengse hi Pathenin nang napeh ahitai,’ eiti.
Act 27:25 Hijeh chun hangtah-in pangun miho, ajeh chu eikisei-peh bang banga chu hung guilhung tei dinga Pathen katahsan ahi.
Act 27:26 Amavang twikol gam sung khat’a igalkai tei diu ahi,” ati.
Act 27:27 Kakisuhtol kakitoutol’uva jan som le li lhin jan Adria Twikhang-len kagalkaiyun jankhangkimin kongtol hon gam leiset kinaiyah hitam ti agingmouve.
Act 27:28 Hijeh chun thilgih khat khaovin akan’un twi te na dia ale lut’u leh twi chu lam som ni thuh atedoh-ui; phabep acheuva atekit’u leh lam som le lam nga atedoh-uvin ahi.
Act 27:29 Song lah a kilenglut khante’ti ginmo nan kong tom lam’ah konghenna khao li aleh lhauvin khovah loina din ataovui.
Act 27:30 Kongtol ho chu jamdoh ding akigo’uvin, kong mai lama chu kong henna khao sep lha ding veh kisan twi lah a kongneo chu akhai lhauvin lungthim aboltauve.
Act 27:31 Paul’in sepai jalamkaipa le sepaite jah-a, “Hiche kongtol ho hi kong sunga aumden louvu leh nang ho sohcha jou pouvin nate,” atitai.
Act 27:32 Hijeh chun sepaihon kongneo kikhaina khao ho chu asat tanpeh-un akitol mangsah tauve.
Act 27:33 Khovah niso ding phat’in Paul’in an ne din asol’in abonchau-va jah a, “Sei ding get ding helou-hel’a nelou cha lou, tep lou don louva na-um kal’u tuni nisom le ni li alhingtai;
Act 27:34 hijeh a chu anne dinga ka-ngeh nahiuve, nakihinso theina diuva natha neidom na diu-vin, ajeh chu nalu chunguva sam-jang khat jeng cha jong mangthah louhel ding ahi,” ati.
Act 27:35 Hitia asei jou hin changlhah chu alan mi jouse angsunga Pathen athangvah jouvin aheh bal’in anepantai.
Act 27:36 Hichun miho ahung lung ngam tauvin amahon jong an anepantauve.
Act 27:37 Kong sunga um chu mihing ja ni le som sagi le gup kahiuve.
Act 27:38 Mi jousen an anehva phat’un kong chu ajankhai domna din kong sunga suhlou chang chu Twikhanglena aleh lut tauvin ahi.
Act 27:39 Khovah phat’in kongtol hon gam leiset chu ahetapouvin, ahin twilen pang ningkoi khat amu’vin, ahithei leh hikoma chu kong tol lut’a galkai din akihousomtauve.
Act 27:40 Hijeh chun konghenna khao chengse alha lhauvin Twikhanglena aleh lut’uvin, chule kongkhe kanna khao asut lhauve ; chutengleh hui-yin apuilut theina diuvin ponjal atungdoh-un twiningkoi lam chu ajontauve.
Act 27:41 Ahinla kong chu twikinong ni kisuhtonaa alut khan kong mong chu nel lei lah a aki-phut lutdentan, achalbe thei tapoi, chuma leh twikinong chun hanuh a anuh jeh-in anung lama ahal hal’in aleng lhan akeh pantai.
Act 27:42 Sohchang ho chu akijap galkaiyuva ajamdoh thei louna diu tin sepaihon abonchauva tha ding thilgon aneitauve.
Act 27:43 Ahivangin sepai jalamkai chun Paul ahuhdoh nomjeh-in athilgonu chu asutangin, twijap thei chan jap galkaiya tolgo anakai masa din aseiyin,
Act 27:44 adang amohse chu khunpeh le konghalse pouva kitol galkai din aseiye. Hitia chu aboncha tolgo geiya kihinso na um ahi.
Act 28:1 Kakihinso phat’uvin twikol gam chu Malta akiti ti kahe-doh tauve.
Act 28:2 Koitoh kisamkai khah loulai agam mihon datmo tah-in eikhoto’uvin, go juh jeh a adap phat chun mei eitipeh-un eilamdot cheh-ui.
Act 28:3 Paul’in thingkang lom khat achomdoh-in meiya atileh, meisa hul chun guise khat ahungdoh-in akhut achun akikhaiden jenge.
Act 28:4 Koitoh kisamkai khah lou agam mihon Paul khut’a gul kikhai chu amudoh phat’un khat le khat akihou Ihiuvin, “Hichepa vang hi tolthat mong mong ahin, Twikhanglen set-to naa ahindoh jeng vanga thudih chun ahinghoi lou dingsam ahiye,” akitiuve.
Act 28:5 Ahinla Paul’in gulse chu meilhum sunga athing lhan a-ima aloudeh poi.
Act 28:6 Agam mihon vang hung pom ding ham ahi loule phulou helouvin Ihua thi ding ham, tin a-ngah jingui; sotpi chutia angauva imacha atilou phat’in alung gel akhel’uvin Paul chu pathen khat danin aseitauve.
Act 28:7 Hichea kona gamla behseh lou mun khat’a hin twikol haosapu amin Publius kitipan loumun anei-yin, amahin thanom tah-in eisang-un nithum sungin eivah gunset-uve.
Act 28:8 Publius pa chu khosih le ehthit veiya dammoa lum ahin, Paul’in agaven, achunga khut a-ngamin ataopeh-in aboldamtai.
Act 28:9 Hitobang thilsoh aumdoh phat hin twikol gamsunga cheng ana damlou neichanin ahinpuiyun abonchan adamsoh keiyuve.
Act 28:10 Agam mihon keiho jabolnan thilpeh tampi eipeu-vin, konga kitol kagot phat’un ka-ngaichat ding dol jouseu kong sunga eihung thah peh-uve.
Act 28:11 Lha thum jouvin Alexandria hung kon kong, ‘Pathen cha peng-kop,’ tia kiminvo, phalbi sungsea chukom twikol gama nichong denpaa chun kakitol kit tauve.
Act 28:12 Syracuse kaimun’a kaki

  • -ngauvin’ nithum kanichonguve.
    Act 28:13 Chua konin kakitol velkol leuvin Rhegium ka-lhungun, nikhat jouvin Ihanglam hui ahung nungin, ni ni lhin hin Puteoli kalhungui.
    Act 28:14 Puteolia chun sopite phabep kamudoh-un, akom’uva ni sagi nichong din eikouvui. Hitia chu Rome hung lhung kahiuve.
    Act 28:15 Rome a um sopiten kathuu ajah phat’un Appius kailhang le Jinlhun in thum geiyin keiho lamto din ahungun, amaho amu phat hin Paul’in Pathen athangvah-in alung ngamtan ahi.
    Act 28:16 Rome kalhun phat’un Paul chu a-ngah a pang sepaipa chutoh ama changseh a cheng din phalna aneipeh tauvin ahi.
    Act 28:17 Nithum jouvin Paul’in kho- sunga Judate lamkaiho akoukhom-in, ahung kikhopsoh phat’un ajah-uvah, “Sopiho, i-nam miteu douna hihen ipu ipateu chondan douna hijongle imacha kabolset aum lou vangin Jerusalema pat Rome mite khut’a sohchanga eihung kipedoh ahitai.
    Act 28:18 Kachung thu akhol chil’u chun thina thei lom ima kabolset aumdoh loujeh-in eina lhadoh nom tauve.
    Act 28:19 Ahinla Juda mihon anel-jeh-un, ka-nam -mite douna imacha sei ding kanei lou vangin Kumpipa henga kacham louvin thu kalhuttai.
    Act 28:20 Hichejeh tah a hi nang ho toh kimutoa kihoulimpi dia kakou nahi-uve ; ijeh-inem itile Israel kinepna jeh a keima hiche thih khaova hi kihen’ah kahibouve,” ati.
    Act 28:21 Hichun amahon ajah a, “Keihon jong Judea gama kona nathudol lekha thot la kimu louva, hikoma sopite khatcha beh-in jong nagit louna thudol thulhut’a le houlima jong umlouva,
    Act 28:22 hijongle la nalung ngaito mong mong nanga konin kajahbe nom nauve ; ajeh chu hiche Houbih vang hi muntin gamtin’a seiset’in aumin ahi ti keihon jong kanaheuve,” atiuvin ahi.
    Act 28:23 Nikho khat ateppeh-un, apan-satna in’a chun mi tampi ahung kikhom’uve; Paul’in amaho chu jingkah a pat nilhah geiyin Mose Danthu le Themgaoho lekhabua konin hilchetna abol’in, Pathen Lenggam thudol ahettohsah-in, Jesu chu tahsansah tei din ajoltai.
    Act 28:24 Paul thuseiho chu abangin atahsan lou vangun abang vang anomtauve.
    Act 28:25 Amaho chu akihoutoh thei lou phat’uvin Paul’in anoiya thu khat hi asei jou phat’in apotdoh tauve ; athusei chu : “Lhagao Thengin Isaiah Themgao kamin napu napa-teu henga phatah-in anaseiyin,
    Act 28:26 hitin : “Hiche mite henga hin chen lang gaseiyin, ‘Ja vang najah tei diu ahin nahetkhen thei lou diu, Mujong namu tei diu navet chen thei lou diu ahi.
    Act 28:27 Ijeh-inem itile hiche mite hi alungthimu amoh-in, Anabenguvin thu angaichimtan, Chutilou hileh amit’uva avet chet theiyuva Alungthim’uva ahetkhen them diu, Kadamsahna dia kahenga hung kilekit diu ahi,’ ati bang chun;
    Act 28:28 hichu kihet cheh-un, hiche Pathen mihuhhingna thu hi chidang namdangte henga kithot ahitan, amahon angai tei diu ahi,” ati.
    Act 28:29 (Paul’in hicheng asei jou hin Juda hon ada lhauvin hanel’in akineltauve.)
    Act 28:30 Hikoma chun Paul’in inman akipeh-in kum ni sungin achengin, ahenga hung jouse alamdot’in,
    Act 28:31 Pathen Lenggam thu aseiphongin, koima asunoh beihel’in phongtah-in Pakai Jesu thudol ahil lhang lei.


    Dostları ilə paylaş:
  • 1   2   3   4   5   6


    Verilənlər bazası müəlliflik hüququ ilə müdafiə olunur ©muhaz.org 2017
    rəhbərliyinə müraciət

        Ana səhifə