Bigarren hizkuntza eskakizunaren derrigortasun data 2015.12.31koa ezartzen da 485-Udaltzaina lanpostuaren ondorengo horniduretarako:
Alkatearen 2014ko abuztuaren 7ko 1.353 zenbakiko ebazpenean jasotakoaren ondorioz hutsik geratu zena.
Alkatearen 2014ko azaroaren 18ko 2.037 zenbakiko ebazpenean jasotakoaren ondorioz hutsik geratu zena.
Alkatearen 2015eko maiatzaren 14ko 831 zenbakiko ebazpenean jasotakoaren ondorioz hutsik geratu zena.
Udaltzaingoko Oinarrizko Eskalako lanpostu guztietan “BTP” gida- baimena izateko berariazko baldintza ezabatzen da, azaroaren 30eko eta 1055/2015 zenbakiko Errege Dekretuak xedatutakoaren arabera.
IDAZKARITZA, ZERBITZU JURIDIKOA ETA KONTRATAZIOA:
307-Idazkaritza eta Zerbitzu Juridikoetako Teknikaria lanpostuari lotutako hizkuntza eskakizunaren derrigortasun data esleitzerakoan egindako akatsa zuzentzen da, 2015.12.31 jasoz bi horniduretarako.
64- Idazkaritza Administrari lanpostuaren hirugarren dotazio bat sortu da, orain daudenen antzerakoa, euskararen perfilaren derrigortasun - datari dagokiona izan ezik, 2016.07.01ekoa izango dena.
59- Idazkaritza Orokorreko Unitateko Administrari Burua lanpostuko hizkuntza eskakizunari derrigortasun data ezartzen zaio, 2016.07.01ekoa.
INFORMAZIOAREN GIZARTE ETA HERRITARREN PARTE-HARTZEA:
Desagertzeko deklaratu da 305- GIBeko Informazio eta Tramitazio Laguntzailea lanpostua.
433- Hiritar Partaidetzako Teknikaria lanpostuaren monografia aldatu da, 2015eko irailaren 14an Giza Baliabideetako Ordezkariak emandako 242. ebazpenaren bidez onarturiko deialdian finkatzen diren eginkizunak eta sartzeko eskatzen diren titulazioak bertan jasoz. “Hiritar Partaidetza eta Gardentasuneko Teknikaria” adostu da lanpostuaren izen gisa.
Desagertzeko deklaratu da 429-Herritarren Informazio eta Tramitazio Arduraduna lanpostua. Bere ordez 213- Antolakunzta eta Kalitate Teknikari lanpostuaren bigarren dotazio bat sortu da, orain dagoenaren antzerakoa. Bi dotazioei 4. hizkuntza eskakizuna jartzen zaie, 2016.07.01eko derrigortasun - datarekin.
423-Erregistroko administraria, 258-Estatistikako administraria eta 391-Estatistikako administraria lanpostuek lanpostu bereko antzeko hiru zuzkidura osatzera pasako dira, “Informazio Korporatiborako administraria” izenarekin, zeinen monografia hau den:
Plaza:Administrazio orokorreko administraria.
Lanpostua: Informazio korporatiborako administraria.
Taldea: C1
Titulazioa: Batxiler Tekniko titulazioa.
Hizkuntza eskakizuna: 3 derrigorrezkoa (derrigortasun data 2015.12.31)
Lanpostu mailako osagarria: 16
Osagarri espezifikoa: 11.305,07 euro, lanpostuan dagoen langileari bulegoetako ordutegi finkotik kanpo derrigorrezko lanegunak dakartzan ordutegia dagokionean; eta 9.451,74 euro beste kasuetan. Egutegi desberdinetara adskribatutako lanpostu honen horniduretako bizikidetasunik egotekotan, eta baldin eta hark ekartzen badu hornidura batzuetara atxikituta dauden zenbait langilek bulegoetako ordutegi finkotik kanpo derrigorrezko lanegun kopuru handiago jasan behar izatea, halako bereizkuntzarik gabeko egoera batean teorikoki egokituko litzaizkiekenekiko, behar horretaz salbuetsita daudenek berariazko osagarrian izandako murrizketa nahitaezko lanaldiko programazio handiagoak jasaten dituzten langileei proportzionalki banatuko zaie, azken hauek jasotako berariazko osagarrian.
Lanpostuaren zeregin orokorra: Informazio Korporatiboko arduradunaren mendekotasun hierarkikoa izango du eta Informazio Korporatiboko Zerbitzuari euskarri administratiboa emateaz arduratuko da, biztanleen udal errolda antolatuta mantentzeko lana eta Zerbitzuari kudeatzea dagokion estatistika-erregistro osoa beregain hartuko ditu eta sarrera erregistroaren kudeaketa administratiboaz arduratuko da Idazkari Orokorraren ikuskapen funtzionalpean.
Eginkizun nagusiak:
Zerbitzu arduradunaren zuzendaritzapean, biztanleen udal errolda kudeatzea eta berori eguneratuta mantentzeko behar diren lanak.
Zerbitzuari kudeatzea dagokion erregistro administratibo guztia eguneratuta mantentzea, bertako arduradunak erabakitzen dituen jarraibideak betez.
Hirugarrenen udal erregistroa eguneratuta mantentzeaz arduratzea, Udal Informatika zerbitzuarekin koordinatuta.
Zerbitzuak kudeatzen duen informazioa estatistikoki ustiatzera bideratutako lan administratibo guztia egitea, biztanleen udal erroldari lotutako datu demografikoak barne.
Hauteskunde zentsua eguneratuta mantentzea eta hauteskunde prozesu oro antolatzeak dakartzan lanetan parte hartzea.
Biztanleen udal erroldari buruzko edo bestelako edozein erregistrori ziurtapenak prestatzea, horren kudeaketa Informazio Korporatiboko zerbitzuari emana dagoenean.
Udalean jasotzen den korrespondentzia jaso, sailkatu, ontzat eman, banatu eta erregistratzea, Idazkari Orokorraren ikuskapen funtzionalpean.
Herritarren Arreta Zerbitzuko (HAZ) Erregistro Osagarrian jasotzen den dokumentazioa egiaztatu eta sailkatzea, dagokion zerbitzuari bidali aurretik.
Erregistro Telematikoan jasotako eskariak egiaztatu eta sailkatzea, eta zerbitzu eskudunari bidaltzeko kudeaketa lanak egitea edo Udalari modu desegokian zuzendutako eskarien tratamendua, beroriek beste erakunde batzuetara bideratu behar direlako.
Zerbitzuko arduradunaren jarraibideak betez, Udalak kontratatutako mezularitza eta posta zerbitzuak administratiboki kontrolatzea eta gainbegiratzea.
Udaleko irteera erregistroa kontrolatzea eta jarraipena egitea.
Udalean ezkontza zibilak ospatzearekin zerikusia duten espedienteak administratiboki kudeatzea.
Udaletxeko Areto Nagusian egin daitezkeen zeremonia zibilak antolatzen laguntzea, protokolozko ekitaldia egiten den egunean antolaketan lagunduz, beharrezkoa bada.
Jakinarazpenak administratiboki kontrolatzea eta jarraipena egitea.
Dokumentazioa Udaleko Iragarki eta Ediktuen Ohar-taula Elektronikoan ikusgai jartzeaz arduratzea, erakusketa-epeak kontrolatuz eta behar bezala kudeatzeko beharrezko lan administratiboak eginez.
Udal Artxiboari euskarri administratiboa ematea zerbitzuak, ikerketa historikorako bekak eta abar kontratatzeko espedienteen kudeaketan.
Exijitu ahal izango zaion beste antzeko edozein zeregin, bere funtzioen eta kategoria profesionalaren barnean.
422-Informazio Korporatiborako arduraduna lanpostuaren monografia eguneratu egin da, honela geratuz:
Plaza: Administrazio Bereziko Erdi Mailako teknikaria.
Titulazioa: Unibertsitateko edozein gradu edo titulu baliokidea.
Hizkuntza Eskakizuna: 3, derrigorrezkoa (derrigortasun data 2010.03.01)
Lanpostu mailako osagarria:20 (behin behinekoa)
Osagarri espezifikoa: 11.116,77 euro (behin behinekoa, 120 puntu)
Lanpostuaren zeregin orokorra: lanpostu honen zeregin nagusia da erakundearen informazio korporatiboa kudeatzea bere kargura dituen erregistro desberdinen eta datu-baseen bitartez, dedikazio berezia eskainiz biztanleen udal errolda mantentzeko lanei.
Eginkizun nagusiak:
Biztanleen Udal Errolda zuzendu, kontrolatu, osatu, kudeatu, aholkatu, programatu eta antolatzea.
Idazkari orokorraren ikuskapen funtzionalpean hauteskunde zentsua kontrolatu eta eguneratzea.
Hauteskunde prozesuak antolatu eta parte hartzea Hauteskunde Batzordeko ordezkariaren zuzendaritzapean.
Estatistika alorrean beste erakundeek eginiko eskariak aztertu, kudeatu eta irizpena ematea (INE, gainerako Tokiko Erakundeak, etab.)
Biztanleen Errolda Historikoa kudeatzea.
Erroldaren Batzorde Probintzialean, organo kolegiatua dena, parte hartzea Irungo Udalaren izenean.
Eraikinen eta Etxebizitzen zentsua berrikusi eta eguneratzea, Hirigintza eta Ingurumen Arloarekin koordinatuta.
Kaleen errotulazioa egiaztatu, homogeneizatu eta eguneratzea.
Informatika Zerbitzuarekin koordinatuta, eta haren jarraibide teknikoak betez, Hirugarrenen Udal Erregistroa eguneratuta edukitzea.
Beste udal erregistro batzuk kudeatzea eta eguneratuta edukitzea (ontziak, ezkontza ez diren baturak, etab.)
Herritarrentzako Arreta Zerbitzuan (HAZ) bere ardurapeko unitateekin zerikusia duten gaien inguruan egindako lanak kontratu eta gainbegiratzea.
Idazkari Orokorrak eskuordetuta, zerbitzuko espedienteekin zerikusia duten ziurtapenak egitea, hala nola bidezko komunikazioak.
Estatistika datuen ziurtapenekin zerikusia duten kanpoko eskariak atenditzea.
Bere zerbitzuaren ardurapeko jakinarazpenak zuzendu eta kontrolatzea.
Bere kargura dituen langileekin koordinatuta, sarrera eta irteera erregistroa gainbegiratzea, baita Udaleko Iragarki Taulan ikusgai jarritako dokumentazioaren ingurukoa ere.
Udaletxean egiten diren ezkontza zibilen antolaketa gainbegiratzea, Zerbitzuko langile administratiboen zereginaren kalterik gabe.
Zerbitzuko unitate desberdinetan adskribatutako langileak zuzendu eta antolatzea: zereginak esleitzea, oporrak, baimenak, etab.
Udal Artxiboko lanak koordinatu eta antolatzea, gorabehera administratiboekin lotuta.
Zerbitzuak kudeatzen dituen zerbitzuak eskaintzeko kontratuak prestatu eta tramitatzea.
Zerbitzuko aurrekontuen proposamena osatzea eta bertako aurrekontu-aplikazioak kudeatzea, gastuaren bilakaera kontrolatuz.
238- HAZeko Informazio eta Tramitazio Agente lanpostuaren monografiak dauzkan zeregina eta eginkizunak eguneratu egin dira, bestelako edukia aldatu gabe utzita. Eginkizunen kontaketa honela gelditzen da:
Cometido general del puesto:Zerbitzari publikoa izateko bokazio handienaz, herritarrek egiten dituzten eskaera guztiei erantzutea HAZek berezko dituen prestazio-zerbitzuen, informazioren eta izapidetzaren gaian; hori guztia, izaera balioaniztunez eta Instituzioaren baterako ikuspegiaz.
Funciones principales:
Informazioa ematea Departamentuen kokapenari eta eskumenei buruz.
Informazioa ematea Udalak eskaintzen dituen jarduerei eta zerbitzuei buruz, eta baita haietara iristeko betekizunei buruz ere.
Informazioa ematea hiriari buruz, bertako entitate, zerbitzu, izapidetza, jarduera eta abarri buruz, eta baita beste administrazio batzuek eskainitako zerbitzu ohizkoenei buruz ere.
Inprimakiak ematea eta, beharrezkoa bada, haiek betetzen laguntzea.
Dokumentuak erregistratzea, digitalizatzea eta, bidezkoa bada, konpultsatzea, beste administrazioetara zuzendutakoak barne, aurkeztutako dokumentazioa egiaztatuz, hala badagokio.
Berehala erantzuteko prozedurak izapidetzea eta erabakitzea.
Autolikidazioak banku-txartelaren bidez kobratzea.
Informazioa ematea espedienteen izapidetza nola doan azaltzeko.
Udalaren informazio-sistema elikatzea, datuak bilduz, sartuz eta egiaztatuz (Hirugarrenak, etab.).
Abisuak, matxurak, kexak eta iradokizunak jaso eta izapidetzea.
Argitalpenak eta planoak saltzea.
Udal arduradun ezberdinen aurretiko hitzorduaren sistema kudeatzea.
Sinadura elektronikorako eta herritarraren karpetarako sarbidea ematea.
Herritarrek agertutako behar estali gabeak antzeman eta zehaztea.
Bere nagusiak agintzen dizkion bere mailako zeregin guztiak egitea.
38- Artxibo Buru lanpostuaren monografia eguneratzen da, A1 / A2 azpitaldeetan hura adskribituz, eta hura hornitzeko baliogarriak diren titulazioak hauek izatea ebatziz:
Titulazioa: Gradua edo unibertsitate titulu baliokidea (lizentziatura edo diplomatura) Arte eta Humanitateetako ezagutza - adarrean, edota Gizarte eta Lege zientzien ezagutza - adarrean.
Desagertzeko deklaratu da 247- Erosketa Administraria lanpostua.
Eragina 2017ko urtarrilak 1etik aurrera izanik, Erosketa eta Ekipamendu Zerbitzuari berratxikiko zaio 424- Jakinarazlea/Erregistro Laguntzailea lanpostuaren zuzkidura, Alkatetzak 2014ko uztailaren 30ean emandako 1.295 zenbakidun Ebazpenaren arabera betea, eta baita haren euskarri den C2 azpitaldeko Administrari Laguntzaile plaza ere. Lanpostu horrek, une horretatik aurrera, Erosketetako Administrari Laguntzailea izena izango du eta honela geratuko litzateke haren monografia:
Titulazioa: Derrigorrezko Bigarren Hezkuntzan edo antzekoan Graduatua.
Hizkuntza eskakizuna:3, derrigorrezkoa (derrigorrezkotasun data 2015.12.31)
Lanpostu mailako osagarria: 13
Osagarri berezia: 10.286,09 euro (111 puntu).
Lanpostuaren zeregin nagusia: Lanpostu honen egiteko nagusia izango da bere Zerbitzuaren barnean administrazio lan osagarriak egitea, postuko jarduera orokorretik etorritako beharren arabera eta bere administrazio arduradunak gainbegiratuta.
Egiteko nagusiak:
Erosketetako Administrari – Buruak eta Zerbitzuko arduradunak gainbegiratuta, oinarrizko administrazio lanak egitea (mekanografia, kalkulu errazak, dokumentazioa sailkatu eta artxibatu, ofizioak eta ebazpenak prestatu, fakturak eta emate orriak erkatu eta abar).
Hornitzaileei eskaintzak eta prezioak eskatzea, halakorik eskatzen zaionean.
Bere ardurapean dauden eskarien oinarrizko kudeaketa egitea, eskaintza eskatzen zaionetik eskaria hartu arteko kudeaketez arduratuz, eta dagokion faktura egiaztatu eta ordaintzea.
Udaleko kontratazio espedienteen kudeaketarekin loturiko administrazio lan osagarriak egitea.
Zenbait horniduraren eta kontsumigarriren erosketa jasango duten aurrekontu sailen gastuaren bilakaeraren jarraipena eta kontrola egitea.
Ekipamenduak erosteko eta ekipamenduen mantentze zerbitzua kontratatzeko administrazio laguntza ematea.
Administrazio lan osagarriak egitea ekipamenduen mantentzearen kudeaketari dagokionean, eta baita haren gastuaren kontrola ere.
Saileko jarduerari arreta ematea aurrez aurre, telefonoz eta telematika bidez.
Eskatzen zaion antzeko beste edozein egiteko.
75- Erosketa Unitateko Administrari Burua lanpostuko hizkuntza eskakizunari derrigortasun data ezartzen zaio, 2016.07.01ekoa.
OGASUNA, SUSTAPEN EKONOMIKOA ETA PLAN ESTRATEGIKOA:
Kontu-Hartzailetza eta Kontabilitate Teknikari lanpostuaren zuzkidura sortu da A1 azpitaldean adskribatua eta ondorengo ezaugarriak dituena:
Plaza: Administrazio Bereziko Goi Mailako teknikaria.
Lanpostua: Kontu-Hartzailetza eta Kontabilitate Teknikaria.
Taldea: A1
Titulazioa: Gradua Enpresa Administrazio eta Zuzendaritzan; Gradua Ekonomian edo Ekonomia Zientzietan: Gradua Fiskalitate eta Herri Administrazioan, Gradua Zuzenbidean: edo gai ekonomiko edo juridikoan baliokidea den unibertsitate titulua.
Hizkuntza eskakizuna: 4, derrigorrezkoa (derrigortasun data 2015.12.31)
Lanpostu mailako osagarria: 22 (behin behinekoa)
Osagarri espezifikoa: 11.768,44 euro (behin behinekoa, 127 puntu)
Lanpostuaren zeregin orokorra: Kontu-hartzaile Nagusiaren hierarkia mendekotasunaren pean, kontu-hartzailetza funtzioari laguntza teknikoa emango dio erakundeko ekonomia-finantza eta aurrekontu kudeaketaren kontrolean eta fiskalizazioan, eduki ekonomikoko eskubideak eta obligazioak aintzat hartzea dakarren edo finantza edo ondare alorretan eragina izan dezakeen ekintza, dokumentu edo espediente ororekin loturik. Era berean, kontu-hartzailetza funtzioari laguntza teknikoa emango dio Kontabilitate Orokorra egiteko lanean, eta baita erakundearen kitapena eta Kontu Orokorra prestatu eta idazteko lanean ere.
Egiteko nagusiak:
Kontu-Hartzailetzarekin kolaboratzea haren kontrol eta fiskalizaziora jartzen diren espedienteen tramitazioan.
Kontu-hartzailetzari laguntza ematea aurrekontu orokorreko proposamenak, Udalaren eta haren mende dauden eta Aurrekontu Orokorra osatzen duten erakunde guztien gastuak eta diru-sarrerak berrikusteko eta beharreko txostenak egiteko lanean.
Kontu-Hartzailetzari lagundu kontabilitate zereginak antolatu, gainbegiratu eta gauzatzeko garaian, bai zeregin arruntetan eta bai puntualetan, Kontu-Hartzailetzari dagokion egitekoetan eta haren jarraibideak betez.
Kontu-Hartzailetzan jasotzen den dokumentazio desberdinen erregistro, antolaketa, tramitazio eta balidazioan lagundu (fakturak, espedienteak, idatziak, eskaerak, etab.)
Kontu-Hartzailetza Orokorrari lagundu aurrekontu eta aurrekontu itxien sarrerak eta gastuak kontabilitate alorrean jarraipena eta kontrola egiterakoan, eta aitortutako eskubideak eta obligazioa ezabatzeko proposamenetan.
Justifikatu beharreko ordainketak kontrolatu, aztertu eta zentsuratzeko lanetan lagundu, hala nola asimilatutako eragiketa eta ordainketetan egingo diren kutxa finko eta entregen aurrerakinetan, aurrekontuzkoak ez diren sarrera eta ordainketetan.
Kontu-hartzailetzari laguntza ematea baliabide publikoen erabilera kontrolatzeko lanean eta beste arlo batzuekin elkarlanean aritzea diru-laguntzen tramitazioari dagokionean.
Kontu-hartzaile Orokorraren agindupean, finantza kontabilitateaz arduratzea, kontabilitate sisteman sartuz urteko aurrekontua, aurrekontu aldaketak eta kreditu loturak, eta baita kontabilitate mugimendu sentsibleenak (BEZ, PFEZ, Elkarkidetza, nominak, Gizarte Segurantzak eta abar) eta ekitaldia erregulatzeko eta ixteko eragiketak ere.
Dagokion ekitaldiaren likidazioan, eta Kontu-Hartzaile orokorraren jarraibideak betez, hurrengo ekitaldian jaso beharko diren kreditu gerakinak eta sarrera-konpromisoak formulatzea.
Erakundearen kontu orokorra osatzeko eginkizunetan Kontuhartzaileari babesa eman. Era berean, babesa emango dio Udalbatzak erabakitako kontuen egoera - orri integratu eta bateratuak osatzeko eginkizunetan.
Kontuhartzailetzari laguntzea toki-entitatearen mendeko merkataritza-sozietatean eta haren menpe dauden erakundeei kontuak aurkezteko eskatze lanetan, eta baita kontu orokorrari gehitu beharreko gainerako agiriak, hala egokituz gero, kontabilitateko gehitze-edo bateratze - prozesuak egiteko behar den informazioa ere.
Toki-entitatearen mendeko merkataritza-sozietatean eta haren menpe dauden erakundeen kontabilitatea ikuskatze - lanetan Kontuhartzailetzari laguntzea, Udalbatzak erabakitako prozeduren arabera.
Delegazioz enkargatzen zaizkion fiskalizazio egitekoak beregain hartu, edozein udal ekintza, dokumentu edo espedienteri lotuta, udal langileen nomina eta gizarte seguroei dagozkionak barne.
Kontu-Hartzailetzaren eskumeneko espedienteak prestatu (kontratazio espedienteak, dirulaguntzak, etab.), txosten teknikoak eginez eta beharrezko dokumentazioa antolatuz Kontu-Hartzailetza Orokorrak tramitatzeko errazago izan dezan.
Kontratazio Mahaian landu beharreko gaiak prestatzea eta, hala behar badu, hari laguntza eskaintzea Kontu-hartzaileak eskuordetuta, kontratazioaren jarraipena eginez (espediente berriak, kontratuen aldaketak eta kitapenak eta abar eginez) eta Kontratazio Zerbitzuari lagunduz.
Auditoriak burutzen dituzten enpresa eta erakundeek egindako errekerimentuak bideratze - lanetan Kontuhartzailetzarekin kolaboratu.
Kontu-Hartzaile orokorraren ez egoteak koiunturalki ordezkatu, horretarako behin behineko izaerarekin espresuki gaitzen zaionean.
Antzeko izaera duen beste edozein zeregin, bere kategoriaren barnean daudenak eta Kontu-hartzaile orokorrak agintzen dizkionak.
50-Errenta zerbitzuko administrari burua lanpostua amortizatu egingo da.
“Zerga Kudeaketarako Teknikaria” lanpostua sortu da, zeinaren monografia honela geratu den:
Plaza: Administrazio Bereziko Erdi Mailako teknikaria.
Lanpostua: Zerga Kudeaketarako teknikaria.
Taldea: A2
Titulazioa: Gradua Enpresen Administrazio eta Zuzendaritzan; Gradua Ekonomian edo Ekonomia zientzietan; Gradua Fiskalitate eta Herri Administrazioan; Gradua Zuzenbidean: Diplomatura Enpresa Zientzietan.
Hizkuntza eskakizuna: 3, derrigorrezkoa (derrigortasun data 2015.12.31)
Lanpostu mailako osagarria: 19 (behin behinekoa)
Destino espezifikoa: 11.768,44 euro (behin behinekoa)
Lanpostuaren zeregin nagusia: Arloko Zuzendaritzaren mende, lanpostuaren egiteko nagusia da udal tributuak sortu, kudeatu, likidatu, ikuskatzeko prozesua planifikatu, teknikoki ikuskatu eta zuzentzea, ordenantza fiskalak idazteko prozesuan lagunduz eta eraginkortasunez aplikatzen direla zainduz.
Egiteko nagusiak:
Zerga Kudeaketarako Zerbitzuaren lana planifikatu, ikuskatu eta zuzentzea, udal tributuen sorrera, kudeaketa eta likidazio eraginkorra egiteko baliabideak antolatuz.
Zerga Kudeaketarako Zerbitzuari enkargatutako lanak koordinatu eta zuzentzea Arloko Zuzendaritzak ezarritako helburuak lortzeko, Arloari adskribitutako langile administratiboaren gainetik buruzagitza hierarkikoa betez.
Errolda Fiskalak behar bezala mantentzeko lanak teknikoki gainbegiratu eta zuzentzea, hala nola gainerako udal diru-sarreren kudeaketarekin zerikusia dutenak.
Zerga figura desberdinen likidazioak egiterakoan teknikoki ikuskatu eta zuzentzea.
Kudeaketa ekintzen eta zerga likidazioen aurka jarritako erreklamazio espedienteetan txostena egitea.
Onura fiskalak eskatzeko espedienteetan ebazpen proposamena tramitatu eta egitea.
Zerga Kudeaketarako Zerbitzuko barne kudeaketa prozedurak normalizatu eta sinplifikatzeko antolakuntzako balizko aldaketak aztertu eta proposatzea.
Zerga Kudeaketarako Zerbitzuaren berezko espedienteekin zerikusia duten txosten teknikoak egitea, edo zerga alorrean ezarri nahi diren aldaketekin zerikusia dutenen inguruan.
Zergadunei eta beste erakundeei teknikoki informatzea beraientzat interesgarriak diren zerga alorreko gaiei buruz.
Ogasun teknikariarekin elkarlanean eta bere ikuskaritza funtzionalpean, udal zergen kudeaketa, ikuskapen eta erreklamazioen kudeaketarako prozesuak hobetu eta sinplifikatzeko proposamenak aztertu eta formulatzea, aldaketa egokiak proposatuz.
Arloko Zuzendaritzak agindu diezaiokeen antzeko beste edozein egiteko, bere kategoriaren barnean eta bere eskumen esparruarekin zerikusia dutenean.
49- Langilego Unitateko Administrari Burua lanpostuko hizkuntza eskakizunari derrigortasun data ezartzen zaio, 2016.07.01ekoa.
144- GG.BB. eta Zerbitzu Orokorretako Burua lanpostuari 4. hizkuntza eskakizuna ezartzen zaio, 2016.07.01eko derrigortasun datarekin.
KULTURA ETA KIROLA:
Kultura eta Kirol arloko AOT lanpostua sortuko da, A1 sailkapen taldeari atxikia eta honako ezaugarri hauekin:
