Zəkat İqtisadiyyatda Sərvətin və Gəlirin Əsas Yenidən Bölgüsü Funksiyası Kimi
Təqdimat Paraqrafın əsas mövzusu olan zəkat bəzən ədəbiyyatlarda İslam vergisi kimi təqdim olunur. Zəkatın vergi kimi qələmə verilməsi ciddi tənqid olunan məqamlardandır. Lakin, vergi kimi qəbul edilib – edilməməsindən asılı olmayaraq, Zəkat ən azından iqtisadiyyatda gəlirin və sərvətin yenidən bölgüsü funksiyasıdır. Məhz bu prizmadan zəkatın İslam İqtisadi Modelinin əsaslarından biri kimi tədqiq olunması qanunauyğundur və lazımdır.
Paraqrafın ilk hissəsində Zəkatın dində vacibliyi və yeri vurğulanacaq. Sonra isə dinə görə zəkat çıxarılacaq məhsullardan zəkatın hesablanılması və ödənilməsi qaydaları ayrı – ayrı başlıqlar altında müzakirə ediləcək. Növbəti hissələrdə isə korporativ zəkat anlayışı və zəkatın məcburi olduğu bir neçə dövlətin nümunələri və modelləri haqqında bəhs ediləcək. Sonda isə Zəkatın vergilərlə oxşar və fərqli cəhətləri müzakirə olunacaq.
