1.4 Özəl Sektorun İnkişafı üzrə İslam Korporasiyası
Özəl Sektorun İnkişafı üzrə İslam Korporasiyası da İslam aləmində önəmli fiqurlardan biridir. İslam İnkişaf Bankı qrupunun üzvü olan Özəl Sektorun İnkişafı üzrə İslam Korporasiyası çoxtərəfli bir quruluşdur. Qurumun hissədarlarını İslam İnkişaf Bankı, 45 üzv İslam ölkəsi və üzv ölkələrdən olan 5 ictimai maliyyə qrupu təşkil edir.
Özəl Sektorun İnkişafı üzrə İslam Korporasiyası, İslam İnkişaf Bankı idarə heyəti tərəfindən 1999-cu ilin Noyabr ayında Ciddə şəhərində keçirilən növbəti illik görüş zamanı yaradılmışdır. Qurumun baş ofisi Səudiyyə Ərəbistanı Krallığının Ciddə şəhərində yerləşir.
Özəl Sektorun İnkişafı üzrə İslam Korporasiyasının məqsədi üzv ölkələrdə özəl sektor layihələrinin maliyyələşdirilməsi yolu ilə özəl sektorun inkişafına təkan vermək və bununla da həmin ölkələrin ümumilikdə iqtisadi inkişafına dəstək olmaqdır. Layihələrin maliyyələşdirilməsi Şəriət prinsiplərinə uyğun olaraq həyata keçirilir. Bunun xaricində, qurum özəl biznes subyektlərinin yaradılması, inkişaf etdirilməsi və modernləşdirilməsi üzrə dövlət quruluşlarına və özəl şirkətlərə məsləhət xidmətləri də göstərir.
Dostları ilə paylaş: |
