Ağayev Samir

6.9 Sukuk rəqəmlərdə
CityUK Islamic Finance 2012 hesabatına əsasən 2010-cu ildə qlobal miqyasda sukuk emisiyasının həcmi 50 mlrd. dollara çatıb və artım tempi 54% təşkil edib. 2011 – ci ildə isə artım tempi 62% göstərici ilə 84 mlrd dollar təşkil edib. Sukuk emisiyasında Malaziya 58 mlrd dollarlıq göstərici ilə dünya lideridir. Malaziyadan sonrakı pillələrdə Qatar (9 mlrd dollar), BƏƏ və İndoneziya (hər biri təxminən 4 mlrd dollar) qərarlaşıb. Sukuk emisiyasının 66% - i dövlət sektorunun payına düşür ki, bu da təqribən 56 mlrd dollar həcmində qiymətləndirilir. Bu sahədə diqqət çəkən əsas məqamlardan biri də 2011 – ci ildə Pakistan, Yəmən və İordaniyanın tarixlərində ilk dəfə sukuk emisiya etmələridir. Türkiyədə 2011 – ci ildə sukuk emisiyası baş tutub. Emitent “Kuveyt Türk Katılım Bankası”dır. Sukuk Icara sukukudur. Yaponiya da artıq vergi qanunvericiliyinə müəyyən düzəlişlər edib. Bu düzəlişlər nəticəsində İcara Sukuklarının emisiyası mümkün olacaq.

Sukuklardan həmçinin qeyri-İslam ölkərində, xüsusilə Böyük Britaniyada da geniş istifadə olunur. Artıq London Fond Birjasında total dəyəri 20 mlrd dollar olan 37 Sukuk listingi qeydə alınıb. Sukuk emisiyalarından 6 – nın müddəti başa çatdığı üçün delisting olunub. Bunları da hesaba alsaq göstəricilər 24 mlrd dollar olan 43 sukuk ¹listinqidir. Avropada ilk sukuk isə Luksemburq Fond Birjasında listinqə daxil edilib.