«Bu gün dininizi tamamlayıb mükəmməl etdim, sizə olan nemətimi başa çatdırdım və bir din kimi sizin üçün İslamı bəyənib seçdim». (əl-Maidə 3).
(Ya Rəsulum! Ümmətinlə birlikdə) batildən haqqa tapınaraq (pak bir müvəhhid, xalis təkallahlı kimi) üzünü Allahın fitri olaraq insanlara verdiyi dinə (islama) tərəf tut. Allahın dinini (Onun yaratdığı tövhid dini olan islamı) heç vəchlə dəyişdirmək olmaz. Doğru din budur, lakin insanların əksəriyyəti (haqq dininin islam olduğunu) bilməz.( ər-Rum30)
Bəzən, dünyada, xüsusilə də qərbi avropada və Amerika Birləşmiş Ştatlarında İslam düzgün anlaşılmır və terror kimi qəbul olunur. Ölkəmizdə isə Quran az qala yalnız ölülərə aid bir kitab halına gəlmişdir. Əslində isə Quran Allahın müsəlmanlar üçün müəyyən etdiyi tələb və normativlər toplusu kimi araşdırılmalıdır. Ümumiyyətlə İslamı bir hüquq sistemi (eləcə də bir iqtisadi sistem) kimi anlamaq üçün bu dinin insanlardan nə tələb etdiyini aydınlaşdırmaq lazımdır. Allah Quranda aşağıda göstərilən ayədə insanları nə məqsədlə yaratdığınıaçıqlayır.
