Yekun Sukukların mövcudluğu artıq dünyanın müxtəlif yerlərindən nəhəng investorları cəlb edib. Sukuk vasitəsilə dünyanın müxtəlif yerlərində xüsusilə ərəb dövlətlərində böyük infrastruktur layihələri (körpülər, aeroportlar, şoselər, limanlar və s.) həyata keçirilir.
Sukuk İslam kapital bazarlarının davamlı inkişafını təmin etmək məqsədilə böyük potensial vəd edir. Bu da öz növbəsində bütövlükdə İslam Maliyyə Sisteminin inkişafı üçün həlledici rollardan birini oynaya bilər.
İslam Sığorta Modeli – Takaful
Təqdimat Biznesin risklərə məruz qalması normal haldır. Risklərin azaldılmasında isə sığorta mexanizmi mühüm rol oynaya bilər. İslam Maliyyə Sistemi də risksiz bir sistem deyil. Ona görə İslam Maliyyə İnstitutları da risklər altında fəaliyyət göstərir. Lakin mövcud olan ənənəvi sığorta mexanizmləri şəriətə zidd olduğuna görə, İslam Maliyyə İnstitutlarının bu xidmətlərdən istifadə edə bilmə imkanı yoxdur. Bunun üçün sığortaya da bir İslami yanaşma lazım idi ki, bu da Takaful vasitəsilə reallaşdı.
Paraqraf şəriət nöqteyi nəzərindən sığortaya baxışla başlayır. Sonra ənənəvi sığorta mexanizminin nə üçün şəriət nöqteyi nəzərindən qəbul edilməz olduğu aydınlaşdırılır. Daha sonra Takafulun və onun müxtəlif modellərinin praktiki olaraq necə işlədiyi müzakirə ediləcək. Növbəti hissələr isə Takafulla ənənəvi sığorta modelinin fərqləri və Takafulun tarixində baş verən önəmli hadisələrin qısa xronoloji ardıcıllığı haqqındadır. Sonda isə Takaful haqqında statistik göstəricilər təqdim olunacaq.
