AiLƏ quruluşu tərcümə edini: Əlibala Hacızadə I cild bakı-1998 Kitabın adı: İslamda ailə quruluşu

QISQANCLIQ KİŞİYƏ VƏ QADINA RƏVA DEYİLİR
1. Peyqəmbər (s) buyurmuşdur: «Atam İbrahim qeyrətli idi, mən ondan daha qerətliyəm. Görürsən ki, Allah namus qeyrəti olmayan mömin torpaq altında çəkib aparır».

2. İbn Əbi Umeyr deyir: Həzrət Rəsul oturmuşdu, birdən lüt-üryan bir qadın daxil oldu, Həzrətin qarşısında dayandı, dedi: «Ya Rəsulallah, mən zina eləmişəm. Məni pak et! (Yəni cəzamı təyin et!)» Bu zaman bir kişi onun dalınca qaça-qaça gəldi, üstünə paltar atdı. Həzrət soruşdu: «Nə olmuşdur?» O dedi: «Bu mənim arvadımdır. Mən kənizimlə xəlvətə çəkilmişdim. Arvadım məni tənbeh eləmək üçün belə bir rusvayçılıq elədi». Buyurdu: «Onu apar, qısqanclıqı coşub-daşan qadının gözü dərənin aşağısını-yuxarısını görməz».

3. Peyqəmbər (s) buyurur: «Cənətin iyi 500 illik məsafədən adamın burnuna gəlib çatar. Ancaq ata-ananın üzünə ağ və dəyyus olan adamın burnuna çatmaz. Demişdilə: «Ya Rəsullah, dəyyus kimdir?» Buyurdu: «Dəyyus o adamdır ki, qadını zina eləyər və bundan özünün xəbəri olar (Yəni heç bir tədbir görməz)».

4. Əmirəl-möminin (ə) buyurur: «Ərinin başqa bir qadın almasına dözə bilməyən qadının hikkəsi Allahın hökmünü rədd etməkdir, kişinin qeyrəti isə imandır».

5. Yenə o Həzrət buyurur: «Allah qeyrətli mömin üçündür. Mömin də gərək özü üçün qeyrətli olsun. (Allah onun namusunu hifz etmişdir, o özü də gərək onu qorusun). Belə deyilsə, demək, onun qəlbi məhv olmudur».

6. Həzrət Baqir (ə) buyurur: «Allah qısqanclığı qadın üçün nəzərdə tutmamışdır, kişi üçün yaratmışdır. Çünki dörd qadını daimi və həmçinin kənizi kişi üçün halal buturmuşdur. Lakin qadın üçün bir kişidən artığını halal buyurmamışdır. Əgər qadın ərindən başqa bir kişi ilə əlaqə yaratsa, Allahın yanında zinakardır. Çoxərlilik məqamənda qısqanclıq nümayiş etdirən bu qadınlar Allah hökümlərinə etiqad bəsləməyən imkansız qadınlardır».

7. Yenə o Həzrət buyurur: «Bir neçə əsiri Peyqəmbərin yanına gətirirlər. Həzrət onların qətli haqqında fərman verdi, yalnız birini bağışladı.Əsir soruşdu: «Məni azad etməyinin səbəbi nədir?» Buyurdu: «Cəbrail Allah tərəfindən xəbər gətirdi ki, sənin beş xislətin var ki, Allah elçisi onları sevir: namus qeyrəti, səxavət, xoş əxlaq, düz danışmaq və şücaət».

8. Başqa bir hədisdə buyurur: «Qadının qısqanclığı əslində həsəddir. Həsəd isə küfürün köküdür. Qısqanclığı coşan qadın qəzəblənir, qəzəblənəndə isə küfürə yuvarlanır. Əlbəttə, müsalman qadınlar belə deyildir».

9. Həzrət Sadiq (ə) buyurur: «Allah qeyrətlidir və qeyrətliləri sevir. Qeyrətlidir ki, o, zina və s. kimi çirkin işləri – istər aşkar, istər pünhan olsun – haram buyurmuşdur».

10. Yenə o Həzrət buyurur: «Əgər bir kişi arvadının ya kənizinin kiminləsə qeyri-şəri əlaqəsindən xəbər tutursa və bir tədbir qılmırsa, Allah ona 40 günə qədər möhlət verir. Sonra iman hissini ondan alır və mələklər onun adını dəyyüs qoyurlar».

11. Başqa bir hədisdə buyurur: «Əgər 40 gündə çal-cağırdırsa adamlar gəlib-gedirsə, şeytan ev sahibinin bədən əzalarına daxil olur və ondan sonra qeyrət hissi onun vucudundan susur. Hətta arvadları təcavüzə məruz qalsalar, heç yerindən tərpənmir».

12. Bir kişi İmam Sadiqin (ə) huzurunda öz arvadını təriflədi. Həzrət buyurdu: «Qeyrətini yolamısan?» Dedi: «Yox!» Buyurdu: «Get, onu imtahan elə!» Kişi getdi, sınadı, gördü ki, yersiz qeyrət nümayiş etdirmədi. Həzrət buyurdu: «Hə qədər tərifləsən, yeri var!»

13. Yenə İmam Sadiq (ə) buyurur: «Allah cihadı kişi və qadın üçün vacib saymışdır. Kişinin cihadı budur ki, canını və malını Allah yolunda sərf edir. Qadının cihadı budur ki, azda və qeyrətli bir adamı özünə ər edir». (Əgər ər namusunu qorumaq üçün yersiz və qeyri-şəri gəl-getlərin qarşısını alırsa, pis bir iş görmür).

14. Peyqəmbər (s) buyurur: «Qeyrət imanın nişanəsidir. Ədəbsiz, çirkin sözlər isə cəfa əlamətidir».

15. Yenə buyurmuşdur: «Öz arvadı ilə yad bir adamın əlaqəsinə yol verən adamın Allah qiyamət günü tövbə və qurbanını qəbul etməyəcəkdir».

16. «Ata-anasının üzünə ağ və dəyyüs olan adam behiştə gedə bilməz və dəyyüs o adamdır ki, öz qadını üçün oynaş aparır».

17. «Allah cihadı mənim ümmətimin kişiləri üçün və qeyrəti qadınları üçün yaratmışdır (yəni qadınlar təbiətən qeyrətlidirlər və özlərinə rəqib görə bilmirlər). Kim Allah rizası üçün qadınlarının qeyrətini başa düşsə və səbr etsə, Allah ona şəhid məqamı əta edər».

18. Əli (ə) buyurur: «Kişinin qeyrəti iman, qadının qeyrəti düşmənçilik deməkdir».

19. «Kişinin qeyrəti onun namus hissi və mərdanəliyi qədərdir».