İZDIVACIN SƏBƏBİ, MƏQSƏDİ, FAYDASI VƏ VAXTI
İzdivacın səbəbi
O kəs ki, istəyir izdivaca girsin (ailə qursun) gərəkdir ki, İlahi səbəb üzündən evlənsin, yəni Allah-Təalanın fərmanına əncam vermək məqsədini güdsün. Necə ki, İmam Səccad (ə) buyurub: «Hər kəs Allah xatirinə və qohumluq əlaqələrini möhkəmləndirmək və inkişaf etdirmək məqsədi ilə izdivaca girərsə, Xüdavəndi-aləm onun başına padşahlıq tacı qoyar».
Digər tərəfdən bir şəxsin izdivacı halal yol ilə və halal mal ilə baş tutsa belə, lakin bu izdivac özündə ilahi məqsəd daşıması, bu cür ailə qurluşu səmərəsiz və yararsız olar. Necə ki, Peyqəmbər-Əkrəm (s) buyurur: «Hər kəs halal yolla və halal mal ilə qadınla evlənsə, bu halda məqsədi özünü başqasına göstərmək və nümaiş etdirmək olsa, Allah-Təalanın nəzərində bu izdivac əhəmiyyətsiz və mənasız olar».
Həmcinin, əgər izdivac gələcək həyat yoldaşının malına və gözəlliyinə görə olsa, bu nigah təqdirə laiq olmaz».
İslam Peyqəmbəri bu haqqda buyurur: «Hər kim qadınla mal-dövlətinə gerə evlənmiş olsa, Allah-Təala onun həmin mal-dövlətə həsrət qoyar. Hər kim bir qadınla gözəlliyinə görə evlənmiş olsa, xoşu gəlmədiyi sifəti (xasiyyətiləri) onda görər və əgər bir qadınla dininə görə evlənmiş olsa, Allah bütün bu nemətlərin onlar üçün yetirər».
Dostları ilə paylaş: |
