QADININ KƏBININƏ TƏCAVUZ ETMƏYIN
1. Qurani-Kərim buyurur: «Əgər bir arvadın yerinə başqa bir arvad almaq itəsəniz və onlardan birinə (birinciyə) çoxlu mal vermişsinizsə, ondan heç bir şey geri almayın! Məgər bu malı böhtan atmaq və aşkar bir günah iş görməklə gerimi alacaqsınız?! Siz onu necə geri ala bilərsiniz ki, (vaxtilə) bir-birinizlə yaxınlıq etmişdiniz və onlar (qadınlarınız) sizdən möhkəm əhd-peyman almışdılar». (Quran, «Ən-Nisa» surəsi, ayə 20-21)
2. Qadınlarınızın mehrlərini könül xoşluğuyla verin! Əgər onlar qəlbən, öz razılıqları ilə bundan sizə bir şey bağışlasalar, onu halal olaraq, nuşcanlıqla yeyin!
3. Peyqəmbər (s) buyurmuşdur: «Qadının mehrini zülümkarcasına verməyən adam Allahın dərgahında zinakardır: qiyamət günü ona xitabən deyəcəklər: «Ey mənim bəndəm! Səninlə bağladığım əhd-peyman əsasında öz kənizini səninlə evləndirdim: ancaqc sən mənim əhdimə vəfa etmədin və ona zülm etdin! Onda qadının haqqı qədərincə kişinin gözəl və yaxşı əməllərindən alırlar və arvadına verirlər. Kişinin yaxşı əməllərindən onun üçün daha heç bir şey qalmadığından, onu əhd-peymanı sındırdığı görə cəhənnəmə». (Əhd-peymanın məsuliyyəti vardır. Quran ayəsi).
4. Həzrət İmam Sadiq (ə) buyurur: «Oğrular üş qrupdur: 1. Zəkat verməyənlər; 2. Qadının mehrini ödəməyənlər; 3. Borc alan, ancaq qaytarmaq fikrində olmayanlar».
5. Peyqəmbər (s) buyurur: «Allah-Təala qadının mehrini inkar edəndən, muzdurun haqqını qəsb edib verməyəndən və azad bir insanı satan şəxslərdən başqa hər kəsi bağışlaya bilər».
6. İmam Sadiq (ə) buyurur: «İnsan öldürmək, qadının mehrini verməmək, muzdurun zəhmət haqqını ödəməmək günahların ən çirkinidir».
Dostları ilə paylaş: |
