ANİ sahə səfərindən öncə ekspertlər üçün təlimlər təşkil edir. Təlimin məqsədi qanunvericilik, metodologiya, akkreditasiya qaydaları, etik prinsiplər barədə məlumatlandırmaq və ekspertlərin vəzifələrini icra etmək üçün zəruri olan bacarıqlarını yaxşılaşdırmaqdır. Təlimlər adətən yarım gün davam edir.
Səfərin hazırlanması
Hazırlıq görüşünün məqsədi ekspertləri bir araya gətirərək komanda kimi işləmələrini təmin etmək, ekspert qrupu üzvləri arasında vəzifələri bölmək, sahə səfəri üçün sualların siyahısını və qeydləri hazırlamaq, qiymətləndirmə zamanı diqqət yetiriləcək məsələləri önə çəkmək, tələb olunacaq əlavə məlumatlarının siyahısını hazırlamaq və səfər müddətində ekspertlərin görüşmək istədikləri şəxslərin siyahısını hazırlamaqdır.
