Huquqiy mavqe. XQXQ — bu betaraf va mustaqil insonparvarlik tashkiloti. Uning qurolli mojarolar qurbonlarini himoya qilish va ularga yordam ko'rsatish vakolati davlatlar tomonidan berilgan bo'lib, 1949-yilgi to'rtta Jeneva konvensiyasida hamda ularga 1977-yilda qabul qilingan Qo'shimcha protokollarda mustahkamlangan. U alohiyda mavqega ega muassasa bo'lib, masalan, BMT tizimiga kiruvchi hukumatlararo tashkilotlardan ham, nohukumat jamoat tashkilotlaridan ham farq qiladi.
XQXQ o'zi ish olib borayotgan davlatlarning hukumatlari bilan o'z mavqeyi va delegatsiyalarining mavqeyi to'g'risida bitimlar tuzgan. Xalqaro huquqqa mansub bo'lgan ushbu bitimlarga muvofiq XQXQga odatda faqat hukumatlararo tashkilotlar foydalanadigan imtiyozlar va immunitet berilgan (xususan, yurisdiksiya immuniteti, unga binoan, XQXQ ma'muriy yoki sud tartibida javobgarlikka tortilishi mumkin emas, shuningdek, binolari, arxivlari va boshqa hujjatlari daxlsiz). Bu imtiyozlar XQXQ faoliyatining ikki muhim shartini, ya'ni betaraflik va har qanday mamlakat hukumatidan mustaqiUik shartini ta'minlaydi.
