Nöqtələr
◘“Kəlimətullah” peyğəmbər və övliyalara verilən addır. Kəlmə bir mətləbi dinləyicinin zehnində formalaşdırdığı kimi, peyğəmbərlər və övliyalar da Allahın kəlmələrini bəyan edirlər. Hədisdə deyilir: “Biz, Allahın kamil kəlmələriyik.”1
Kəlmə deyildikdə Allahın “kun fəyəkun” təbiri də nəzərdə tutula bilər. Bütün təbirlər kimi, bu təbir də kəlmədən yaranır.2 Necə ki, “Ali-İmran” surəsinin 59-cu ayəsində İsanın yaranışı Adəmin yaranışına bənzədilmişdir.
◘İmam Sadiq (ə) “Onun ruhundan” təbiri haqqında verilən suala belə cavab vermişdir: “Məqsəd Allahın Adəm və İsada qərar verdiyi ilahi ruhdur.”3
◘Məsihilər müqəddəs üçlüyə inanır, Allahı ata Allah, İsanı oğul Allah və Cəbraili bu iki Allah arasında vasitə sayırlar. Bu, şübhəsiz ki, küfrün bir növüdür. Quran buyurur: “Allahı üç Allahdan biri sayanlar kafirdir.”4 Məsihilərdən bir qrupu isə Həzrət Məryəmi Cəbrailin yerinə üç Allahdan biri bilirlər. Quran bu barədə buyurur: “Ey İsa! Sən xalqa demisənmi ki, məni və anamı iki Allah qərar verin?”5
◘Rəvayətdə həddi aşanlar nifrin edilmiş və belələri kafir müşriklərin ən pisi sayılmışlar.6
◘Əgər atanın olmaması Allahlıq dəlilidirsə, həzrət Adəm də Allah sayılmalıdır. Çünki onun nə atası var, nə də anası.
Dostları ilə paylaş: |
