Nöqtələr
◘Yəhudilərə haram edilmiş pak nemətlər dedikdə “Ənam” surəsinin 146-cı ayəsindəki haram hökmü nəzərdə tutula bilər. Bu qadağa indiki Tövratda da var.1
◘Fərd və cəmiyyətin halı və əməlləri onların ilahi nemətlərdən bəhrələnməsində və ya zavala uğramasında mühüm rol oynayır. “Fəcr” surəsinin 17-ci ayəsində oxuyuruq ki, bəzən məhrumluğun səbəbi yetimlərə diqqətsizlik olur. “Əraf” surəsinin 96-cı ayəsində oxuyuruq: “Əgər həmin məmləkət əhli imanlı və təqvalı olsaydı, səmanın bərəkətindən bəhrələnərdi.”
Necə ki, hədisdə oxuyuruq: “Əkin məhsulları insanların yol verdiyi zülmə görə məhv olur.”2
Dostları ilə paylaş: |
